Mekteptegi 52 ustaz sabaq bere otyryp, krıterıaldy baǵalaýdy oqý úderisi kezinde neǵurlym tıimdi uıymdastyrýdyń tásilderin kórsetti. Oqýshylardyń oqýdaǵy jetistikterin qamtamasyz etý arqyly olardy tabysty oqýǵa yntalandyrý osy «Ashyq esik kúniniń» basty maqsaty boldy. Ata-analar óz balalarynyń bilimindegi olqylyqtardy anyqtaýǵa jáne osyǵan oraı ustazdarmen birge jumys isteýge daıyn boldy.
– Biz oqýshylardyń sabaq oqýǵa degen yntasyn arttyrýdyń jańa talaptaryn qoldaımyz,-deıdi ata-ana Gúlnaz Beısenbekova,- bul oqytýdyń izgilikti joly ekendigin baıqadyq. Eshqandaı urys-keris joq. Bala tek baǵaǵa ǵana emes, bilimge umtylady. Mektep úılestirýshisi Almagúl Kurmasheva baǵalaýdyń jańa júıesiniń maqsatyn bizge keńinen túsindirip berdi. Kókeıde júrgen saýaldarymyzǵa jaýap aldyq. Endi oqýshylardyń oqýǵa degen yntasyn odan ári nyǵaıtý, zertteý-ınnovasııalyq tehnologııamen de baılanysty bolmaq. Mektepte ótken tájirıbelik trenıngte úıretýshi ustaz Sh.Nýgýspanova sheberlik synyptaryn ótkizdi. Ol О́skemen qalasynan arnaıy trenıngtik bilim alyp kelgen eken. Bizdiń mektep ujymyna degen rızashylyǵymyz zor.
Raýshan Nuǵmanbek,
Sýretti túsirgen avtor
Semeı.
