Eki el arasynda dıplomatııalyq qatynastyń ornaǵanyna 25 jyl tolýyna oraı uıymdastyrylǵan mádenı is-shara aıasynda Eýropa tórinde Qurmanǵazynyń, Táttimbettiń kúıleri oınalyp, Balýan Sholaqtyń, Aqan seriniń, Úkili Ybyraıdyń ásem ánderi áýelete shyrqaldy. Ulttyq salt-dástúrlerimiz keńinen tanystyryldy. Osylaısha Frankfýrt pen Berlınniń sahnasynda óner kórsetken oblystyq fılarmonııanyń ártisteri gastroldyq sapardan erekshe kóńil-kúımen oraldy.
«Germanııa Federatıvtik Respýblıkasyndaǵy Qazaqstan elshiligi men oblystyq mádenıet, muraǵattar jáne qujattamalar basqarmasynyń qoldaýymen gastroldyq sapar barysynda nemis halqyna óz ónerimizdi kórsetip, mádenıetimizdi pash ettik. О́ner deıtin qudirettiń arqasynda ondaǵy jurtqa ulttyq bolmys-bitimimizdi tanytýǵa tyrystyq. Joǵary deńgeıde ótken mádenı sharany nemis aǵaıyndar ystyq yqylaspen qabyldady,» deıdi dástúrli ánshi Birjan Esjan. Oblystyq fılarmonııanyń ártisteri, kúıshi Ashat Ǵaleev, qylqobyzshy Aıdos Aqylbekov, prıma qobyzshy Aıǵanym Mahanbetova da Eýropa tórinde óner kórsetip keldi.
Germanııada qazaqtyń ánin qalyqtatyp, kúıin kúmbirletken jerlesterimizge Mádenıet jáne sport mınıstriniń Alǵys haty tabys etildi.
Búgingi kúni «Ádemi-aý» qazaq bı ansambli Birikken Arab Ámirlikterine gastroldik saparǵa daıyndalýda. Ol jaqta ótetin halyqaralyq festıvalǵa aýqymdy baǵdarlama usynbaq.
Sóz arasynda «Álqıssa» folklorlyq-etnografııalyq ansambldiń Aspan asty eline saparlap bara jatqanyn aıta ketken jón.
О́mir Esqalı,
«Egemen Qzaqstan».
Soltústik Qazaqstan oblysy
