Qazaqstannyń túkpir-túkpirinen jıylǵan sarbazdardyń ata-ana, aǵaıyn-týystary Ulttyq ulan qataryna qabyldanyp jatqan uldaryn kórip kózaıym boldy.
Jıyn basynda sóz alǵan 28237 áskerı bóliminiń komandıri podpolkovnık Baıanǵalı Esjanov: «Jas sarbazdar, sizder búgin el aldynda áskerı ant qabyldap, Otan qorǵaýshysynyń qataryna qosylǵaly tursyzdar. Osy ýaqyttan bastap sizderge júktelgen mindet te zor bolmaq. О́ıtkeni, áskerı ant – áskerı ómirdiń ózgermeıtin zańy. Onda Otandy qorǵaýdyń, onyń ishinde halyqqa jáne zańdy saılanǵan Prezıdentke adal qyzmet etýdiń aıqyn belgileri bar. Áskerı ómir qanshalyqty qıyn bolǵanymen, jarǵymen belgilengen talaptardy oryndaý – paryz jáne qasıetti mindet. Sizderdiń mindetterińiz – ózderińizge júktelgen tapsyrmalardy jaýapkershilikpen oryndaý. Týǵan jerimizge ter tógip, antqa adal bolý», dep jas sarbazdarǵa jalyndy sózderin arnap jigerlerin janydy.
Ulttyq ulan qataryna qosylyp Otan aldynda ant qabyldaýlarymen sarbazdardy bólim qolbasshylyǵan bólek Ulttyq ulan ardagerleri men ózara árekettegi baılanys organdarynyń ókilderi de quttyqtap, ıgi tilekterin arnady.
Ata-analardyń atynan quttyqtaý sóz sóılegen jas sarbaz qatardaǵy Serikovtiń ákesi Ermaǵulov О́mirbek sarbazdarǵa, osy qabyldaǵan áskerı anttaryna adal bolýlaryn, áskerı qyzmettiń qıyndyqtaryna moıymaı tabandylyqpen tótep berýge shaqyryp, boryshtaryn oıdaǵydaı ótkerip bolyp úılerine, ata-analaryna aman-esen oralýlaryn tiledi jáne ulynyń Ulttyq ulan qatarynda áskerı boryshyn ótkerip jatqandyǵyn maqtanysh tutatynyn aıtty.
Keńes Odaǵynyń batyry Baýyrjan Momyshulynyń esimin ıelenetin áskerı bólim jeke quramy respýblıka kólemindegi azamattyq qorǵanys salasynda tótenshe jaǵdaılardyń saldaryn joıý jáne apat bolǵan jerlerde qutqarý jumystaryn júrgizý boıynsha túrli tapsyrmalardy oryndaıdy. Osy jyldyń kúz mezgilinde áskerı bólimge shaqyrylǵan 200-den astam bozbala jas jaýynger kýrsyn aıaqtap, búginnen bastap Otanyn qorǵaýshy Ulttyq ulandyq sarbazǵa aınaldy.
Áskerı ant qabyldaý - Otanyńa, halqyńa aqtyq demiń shyqqansha adal bolý, el basyna syn saǵat tússe, onda moıymaı kóterý, qajet bolsa, jan qııý degen sóz. Ant – adaldyq rýhy. Halqymyz «Anttan attaǵany – ardan attaǵany», - deıdi. Iаǵnı, adamzat normalarynyń qalyptasqan shegi ar bolsa, ony buzý opasyzdyqqa jatady. Talaı ǵasyr halqynyń erkindigin syrtqy jaýlardan qorǵaǵan Qabanbaı, Bógenbaı, Naýryzbaı syndy batyr babalarymyzdyń, keshegi fashızmniń otyn óshirgen maıdanger atalarymyzdyń amanattaǵan Otanymyzdyń táýelsizdigin qyraǵy kúzetý - eń ulyq qyzmet, mártebe. Búgingi shara sonyń aıqyn mysaly, aıshyqty aıǵaǵy bolsa kerek.
Aıdos Baıshaǵyrov,
28237 áskerı bóliminiń ofıseri
