Qasqat poselkesinen 20 shaqyrymdaı jerde ańshylyq sharýashylyǵy aýmaǵynda qardyń ústine tamǵan qan baıqalǵan jáne mashınanyń izi túsken. Osy iz polıseılerdi Qasqat poselkesindegi bir úıdiń aýlasyna alyp keledi. 59 jastaǵy úı ıesinen eliktiń butarlanyp, jaıǵastyrylǵan eti, eki ańshy myltyǵy tabyldy. Myltyq onyń serigi 65 jastaǵy brakonerdiki bolyp shyqty. Mashına zańsyz ańshylyq qurǵan 51 jastaǵy turǵyndiki eken.
Polıseıler anyqtaǵanyndaı, aýyldyń eki turǵyny «Toıoto» mashınasymen ormanǵa baryp, eki elikti atyp alǵan da, ony aýyldaǵy basqa tanysynyń úıine tyǵyp qoıǵan eken. Olardan eliktiń eti, qarý, oq barlyǵy tárkilendi, endi ormannyń sulýyn atqandar sotqa jaýap beredi.
Názıra Járimbet
«Egemen Qazaqstan»
Qostanaı oblysy,
Meńdiǵara aýdany
