Aımaqtar • 28 Jeltoqsan, 2017

Qostanaıda «Shyrsha» jedel-profılaktıkalyq aksııasy júrip jatyr

650 ret

kórsetildi

1 mın

oqý úshin

Jańa jyl merekesi jaqsy-aý, biraq jyl saıyn onyń tabıǵatqa ákeler zııany da joq emes. Jeltoqsan aıynyń basynan bastap, oblystaǵy aǵashty-ormandy alqaptardan shyrsha aǵashtarynyń zańsyz kesilgendigi anyqtalyp otyr. Sondyqtan mereke jaqyndaǵan saıyn tabıǵat qorǵaý polıseıleri úshin qyzý naýqan bastaldy. Osyǵan oraı oblysta polıseılerden, ýchaskelik ınspektorlardan, oblystyq orman sharýashylyǵy jáne janýarlar álemin qorǵaý basqarmasynyń, Qostanaı qalalyq tabıǵat resýrsyn retteý basqarmasy qyzmetkerlerinen jedel toptar quryldy. Reıdter jeltoqsan aıynyń 10-nan úzdiksiz júrgizilip keledi.

Egemen Qazaqstan

Qostanaıda «Shyrsha» jedel-profılaktıkalyq aksııasy júrip jatyr

Reıd barysynda oblys óńirindegi qylqan japyraqty ormandardy, orman sharýashylyqtaryn aralaý, joldardaǵy ótken ár avtokólikti, aǵash tıelgen kólikterdi tirkeý jumystary júrgizilýde. Reıd barysynda Áýlıekól poselkesiniń janynan eki túp qaraǵaıdyń kesilgeni belgili boldy, onyń isi sotqa jiberildi.

Aǵashty zańsyz keskender ustalsa 200 aılyq kórsetkishke deıin aıyppul tóleıdi nemese 60 táýlikke qamalady. Eger kesilgen aǵash orman qoryna jatatyn bolsa, onda aıyppul 300 aılyq kórsetkishke kóbeıip, qamaq 75 kúnge sozylady.

Munymen qosa Qostanaı qalasy men basqa da eldi mekenderde satylyp jatqan sharshalar muqııat tekserilýde. Qazir oblysta 41 orynda shyrsha satylady. Olar negizinen Reseıden, onyń Chelıabi, Qorǵan oblystarynan jáne Bashqurtstan respýblıkasynan tasylady. Reıd 31 kúni, jańa jyldy qarsy alǵanǵa deıin toqtamaıdy.

Názıra Járimbet

«Egemen qazaqstan»

Qostanaı