«2017 jyly qashyqtyǵy 44,3 shaqyrymdy quraıtyn 66 kósheniń qurylysy júrgizildi jáne 43,3 shaqyrym bolatyn 49 kóshege jóndeý jumysy júrgizildi. Búgingi tańda 19 kósheniń qurylysy júrgizilýde. Qalada 24 kópir bar jáne taǵy eki avtokólik kópiri salynýda», - dedi ákimdikte.
Qala bıligimen kólik keshenin joǵary ótkizý qabiletimen basqarýdyń jańa modeli engizilip jatyr.
«2017 jyly 380 avtobýs satylyp alyndy. 24 qalalyq baǵdar qosymsha kólikpen kúsheıtildi, 43 baǵdar jańǵyrtylyp, 2 túngi baǵdar iske qosyldy. Avtotrafıkti basqarý ortalyǵy táýlik boıy jumys isteý rejımine aýysty», delingen habarlamada.
Qazirgi ýaqytta qalalyq tasmaldaýda ASTRA PLAT jolaqyny tóleýdiń edektrondy júıesi jumys isteıdi: 10 mamandandyrylǵan kassa men kólik kartasyn toltyrýdyń 30 arnaıy avtomaty bar.
Qoǵamdyq kólikke arnalǵan Bus Lane arnaıy belgilengen jolaǵyn engizý jumysy jalǵasýda. Osy jyly qosymsha 12 aýmaqqa qashyqtyǵy 75 shaqyrym bolatyn 11 jolaq qosyldy. Budan bólek aǵymdaǵy jyldyń maýsym aıynan beri resmı taksı qyzmetine Bus Lane belgilengen jolaǵymen júrýge ruqsat berildi.
9 myń aqyly turaq orny men birqatar kóshelerde birjaqty qozǵalys engizý jospary bar. Qosymsha 54 qıylys trafıkti basqarýdyń biryńǵaı júıesine qosyldy.
2018 jyly Turan, Qabanbaı batyr jáne Máńgilik el dańǵyldaryndaǵy kólik júktemesin azaıtý úshin Uly dala kóshesiniń qurylysy bastaldy: Beısekova kóshesinen Turan dańǵylyna deıin jáne Táýelsizdik dańǵylynan Qaldaıaqov kóshesine deıin.
Sonymen birge, Táýelsizdik dańǵylynda № 46 kósheden № 31 kóshege deıingik aýmaqta qurylys jumysy bastaldy, ol táýligine 10 myń kóliklke Máńgilik el dańǵylynan qalanyń ońtústik-shyǵys bóligine kedergisiz qatynaýyna múmkindik beredi.
