Al aqpan aıyndaǵy Qysqy Olımpııa oıyndaryna keletin bolsaq, Qazaqstan quramasy bıyl táýelsiz el retinde jetinshi ret qatysqaly tur. Buǵan deıingi alty Olımpıadanyń tórteýinde otandastarymyz elge júldeli oraldy. Bıyl da sol bıikten kórinedi dep oılaımyn.
О́zim únemi baqylap, tileýin tilep otyratyn bıatlonnan Qazaqstan ulttyq quramasy dál qazir naǵyz babynda. Qorjynda 10 joldama bar. Degenmen, bapkerler quramy Ońtústik Koreıaǵa kimderdi aparatynyn osy aıdyń sońynda belgili bolmaq. Eger dál búgingi juldyzdy quramdy aparatyn bolsa, Olımpıadanyń bir medali bolady, dep senimmen aıta alamyn.
Ol medaldy kim alady? Kimnen úmit kútýge bolady? Menińshe, basqa sportshylarǵa qaraǵanda Galına Vıshnevskaıanyń múmkindigi óte joǵary. Byltyrǵyǵa qaraǵanda bıyl Vıshnevskaıanyń deńgeıi ájeptáýir ósken. Sondyqtan Galınanyń Phenchhanda júldege kúresýine tolyq úmit bar.
Basqa bıatlonshylardan da nátıje kútýge bolar edi. Degenmen, olardyń nátıjesi Vıshnevskaıadan joǵary emes. Máselen, Darıa Ýsanova árdaıym úzdik nátıje kórsetip júrgenimen, oq atýǵa kelgende únemi qatelesip jatady. Al Alına Raıkovanyń nátıjesi kerisinshe. О́zge sportshylarǵa qaraǵanda jyldamdyǵy tómen bolǵanymen, oq atýda únemi nysanany dál kózdeıdi.
Elena Hrýstaleva,
Vankýver Olımpıadasynyń kúmis júldegeri
