28 jeltoqsan kúni elbasy Nursultan Nzarbaev «QR ákimshilik quqyq buzýshylyq týraly kodeksine ózgerister engizý týraly» zańǵa qol qoıdy. Qazirgi zańnamaǵa sáıkes Qazaqstanda avtomatty júıede tirkelgen jol júrý erejesin buzý jaıttary boıynsha qazaqstandyqtarǵa 50 paıyz jeńildik qarastyrylǵan.
Sonymen birge erejeni buzý fıksasııasy boıynsha 1 jyl jáne 25 táýlik ótken bolsa ári is sot oryndaý jazasyna ótpegen jaǵdaıda eski aıyppul kúshin joıýy múmkin.
890-baptyń taqyryby men birinshi bóligi «Ákimshilik quqyq buzýshylyq týraly is boıynsha qaýlyny, aıyppul tóleý qajettigi týraly nusqamany oryndaýdyń eskirýi 1. Eger ákimshilik quqyq buzýshylyq týraly is boıynsha qaýly, aıyppul tóleý qajettigi týraly nusqama – zańdy kúshine engen kúninen bastap bir jyl ishinde, al salyq salý jáne Qazaqstan Respýblıkasynyń monopolııaǵa qarsy zańnamasy salasyndaǵy quqyq buzýshylyqtar úshin zańdy kúshine engen kúninen bastap bes jyl ishinde oryndalmasa, ol oryndalýǵa jatpaıdy», degen redaksııada jazylǵan.
Johar О́tebekov esimdi zańgerdiń sózinshe, merzimi ótken aıyppuldardy alyp tastaý úshin kólik júrgizýshileri aımaqtyq IID qyzmetine arnaıy ótinish jazýy tıis. О́tinish úlgisin myna tustan kóshirip alýǵa bolady.
