О́tken jyldyń sońǵy kúnderinde tusaýy kesilgen ólketaný mýzeıiniń qorynda qazirdiń ózinde 3 myńǵa jýyq jádiger bar. Tarıhtyń talaı-talaı aıtýly oqıǵasy ótken shejireli topyraqtaǵy bul ǵımaratta Shyńǵyrlaýdyń ótkeni men búgini kórinis tapqan.
Mýzeı 5 zaldan turady. Kelýshiler arnaıy ekrannan Shyńǵyrlaýdyń ásem tabıǵaty men kóz tartar oryndarynan túsirilgen beınebaıandy da tamashalaı alady.
Dál osy kúni óńirdegi kóne zırattarda saqtalǵan tarıhı eskertkishter – arab jazýly kóne qulpytastardyń qupııasy shertilgen arnaıy jınaqtyń da tusaýy kesildi.
Shyńǵyrlaý aýdany úshin este qalarlyq osy oqıǵaǵa oraı ózge óńirlerden týǵan jerge arnaıy jınalǵan bir top ardager mýzeı ǵımaraty aldyna qaraǵaı kóshetterin otyrǵyzdy. Bul kóshetterdi olar óz qarjysyna satyp alyp, týǵan jerge tartý retinde ala kelgen eken.
Qazbek QUTTYMURATULY,
«Egemen Qazaqstan»
Batys Qazaqstan oblysy
