Memleket basshysy ótken jylǵy Indýstrııalandyrý kúnine arnalǵan telekópir barysynda óńirimizde jańadan qurylǵan qospaly alıýmın óndirisin jáne osy alıýmınnen avtomobıl dıskilerin jasap shyǵaratyn zaýytty iske qosqan-dy.
«Qospaly alıýmınnen avtomobıl dıskilerin jasaýdy qolǵa aldyq. Bul basy ǵana. Endi alıýmın óndirisin ary qaraı damytý qajet», - degen bolatyn Elbasy.
Zaýytqa 5 mlrdqa jýyq ınvestısııa tartyldy. Kásiporyn ókilderiniń aıtýynsha, «Giessenhaus» JShS jylyna 1 mıllıonǵa jýyq alıýmın dıskisin shyǵarýdy josparlaýda. Aldaǵy ýaqytta kásiporyn tolyq qajetti tehnıkamen jabdyqtalady. Qazir 20 jumysshy eńbek etýde. Kásiporynǵa «Qazaqstan elektrolız zaýyty» AQ tan jylyna 54 myń tonna alıýmın tasymaldanady.
Májilis depýtattary tolyq qýatymen iske qosylǵanda kásiporyn el ekonomıkasyna úles qosatynyn, alıýmın dıskilerin óndirý – eksportqa shyǵarylatyn biregeı joba ekenin atap ótti.
Farıda Byqaı
«Egemen Qazaqstan»
Pavlodar
Sýretti túsirgen: Valerıı Býgaev
