Senatorlarǵa Aqsý ferrosplav zaýytynda metallýrgter jumysynyń nátıjeleri kórsetildi. «Qazhrom» transulttyq kompanııasy» AQ fılıaly bolyp tabylatyn kásiporyn ferrosplav óndirisi boıynsha dúnıejúzinde alǵashqy orynǵa ıe bolyp otyr. Zaýytta 28 elektr peshimen jabdyqtalǵan 4 balqytý sehy, shıhta daıyndaý sehy men kómekshi bólimsheler bar. Aqsýda jyl saıyn 1,2 mıllıon tonna ferrosplav óndiriledi.
Depýtattar Evgenev aýyldyq okrýginde ótken jyly paıdalanýǵa berilgen birqatar áleýmettik nysandarda boldy. Senatorlar sýmen jabdyqtaý jelisimen tanysyp, qurylysyna 160 mıllıon teńge jumsalǵan dene shynyqtyrý-saýyqtyrý keshenin aralady. Sapar barysynda «Aqsý jylyjaı kesheninde» bolǵan kezde M. Kóbenov pen N. Nursıpatov ekologııalyq taza kókónis ónimderin ósirý máselelerine nazar aýdardy.
Aqsý men Evgenev aýylynda bolǵan sapardy qorytyndylaı kelip, senatorlar aımaqtyń áleýmettik damýyndaǵy tabystar men aýyl sharýashylyǵy salasyn kóterýdegi jergilikti kásipkerler men sharýa qojalyqtarynyń zor úlesterin atap ótti. Depýtattar júzdesý barysynda otandyq ónim óndirýshilerdi qoldaýǵa qatysty aıtylǵan usynystar zań shyǵarý jumystary barysynda eskeriletinin aıtty.
