Qalalyq jobalyq ofıs arqyly jalpy quny 2 mıllıard 43 mıllıon teńgeni quraıtyn 20 jobanyń iske asyrylýy josparlanǵan. Qala ákimi Rústem Dáýlettiń aıtýynsha, qazirgi tańda memlekettik tapsyrys sheńberinde 2 joba júzege asqan. Sonymen qatar Taraz shaharyndaǵy joǵary jáne arnaýly oqý oryndarynda «Rýhanı damytý», «Rýhanı qazyna», «О́nege», «Zerde» ortalyqtary ashylyp, jumys istep jatyr.
Jalpy, óńirdegi kásipker azamattardyń qamqorlyqqa qulshynysy qýantady. Elbasynyń «Týǵan jer» jobasy boıynsha «Qazfosfat» jaýapkershiligi shekteýli seriktestiginiń bas dırektory, Qazaqstannyń Eńbek Eri Muqash Eskendirov «Myńbulaq» shaǵyn aýdanynan óz qarajatyna zamanaýı ámbebap sport alańyn salyp berýdi qolǵa almaqshy. Al «Bınom» jaýapkershiligi shekteýli seriktestiginiń dırektory Qýat Baqqaraev kompanııa atynan az qamtamasyz etilgen otbasyna eki bólmeli páter syılaýǵa ýáde etip otyr. Sondaı-aq Álimbek Jumabaev, Arman Edilbaev, Marat Rahmanberdıev sııaqty kásipkerlerdiń de qaıyrymdylyq qaǵıdattary talaıǵa úlgi.
Hamıt ESAMAN,
«Egemen Qazaqstan»
Jambyl oblysy
