Oblystyq densaýlyq saqtaý basqarmasynyń bas mamany Álııa Orazalınanyń esebine qaraǵanda, «Nátıjeli jumyspen qamtý jáne jappaı kásipkerlikti damytý» baǵdarlamasy boıynsha nysandardy jóndeý jumystaryna 452 mıllıon, materıaldyq-tehnıkalyq bazany nyǵaıtýǵa 1 mıllıard 225 mıllıon teńge bólingen.
Nátıjesinde 13 joba júzege asyrylyp, 20 nysan qalpyna keltirilgen. 21 sanıtarlyq, 5 jeńil kólik, 136 birlik medısınalyq qural-jabdyqtar satyp alynǵan. Kardıologııalyq ortalyq kartografııalaý jáne elektrofızıologııalyq júıeleý apparattarymen, shalǵaı eldi mekender EKG qurylǵylarymen tolyqqan.
Alaıda tyndyrylǵan isterge qaramastan, otyrysta oryn alǵan birqatar olqylyqtar da atap ótildi. Oblystyq máslıhattyń depýtaty, komıssııa jetekshisi Iýrıı Belonogtyń aıtýynsha, Qyzyljar aýdandyq ortalyq aýrýhanasyna jóndeý sharalarynyń grafıkten kesheýildeýi baıqalǵan. Osy aýdanda 2016 jyly ákelingen medısınalyq jabdyq arada bir jyl ótken soń ǵana iske qosylǵan. Birinshi qalalyq aýrýhanaǵa 40 mıllıon teńgeniń ÝZI apparaty ornatylǵanymen, tolyq qýatynda jumys istemeıdi. Baǵasy qymbat. Odan eki ese arzanyn alýǵa bolatyny eskerilmegen.
Emdeý mekemeleriniń ókilderi mamandardyń jetispeýshiligin, tapshylyǵyn qansha alǵa tartsa da, bul ýájben kelispegen komıssııa músheleri men halyq qalaýlylary kemshilikterdi shuǵyl túzetýdi talap etti.
О́mir ESQALI,
«Egemen Qazaqstan»
Soltústik Qazaqstan oblysy
