Basqosýǵa mereıtoı ıesimen birge jubaıy Jaqan Súleımenqyzy, balalary men nemereleri kelip qatysty. Erjuman Smaıylmen birge qalamdas, qanattas bolyp uzaq jyl jumys jasaǵan jazýshy Janat Elshibek, Qaısar Álim, Jumagúl Solty sııaqty «Egemenniń» ardagerleri arnaıy at basyn buryp, esten ketpes estelikterimen bólisti. Erjuman О́teshulynyń qyzmettegi qarapaıymdylyǵyna, qamqor basshy bolǵanyn aıtyp, shyǵarmashylyǵyna joǵary baǵa bergen zamandasy Janat Elshibek ony «Egemen Qazaqstannyń» qara nary» dep atasa, qalamger Qaısar Álim Er aǵanyń eńbekqorlyǵyn «eńbektiń jaýyr torysyna» teńedi.
Jýrnalıstıkada, ásirese baspasóz salasynda eńbek etip júrgen qalamy ushqyr tilshilerdiń kóbi Erjuman Smaıyldyń mektebinen ótkenin aıtqan dramatýrg Jumagúl Solty zamandasy jaıly áserli estelikterin áńgimeledi. «Erjuman dosyna, isine adal jan. Eń bastysy ol «Egemenge» adal boldy, bizdi eńbekke úıretti. Erekeńniń arqasynda shyńdaldyq, jaýapkershilikti túsindik. О́zi neshe júzdegen shákirt tárbıeledi. Qanshama jolyn jańa bastaǵan jýrnalıst osy Erjuman aǵasynyń arqasynda qalamyn túzedi. Gazetpen shyńdalǵandardyń barlyǵy sizdi jaqsy kóredi», dedi J.Solty.
Keshte Eraǵanyń jolymen júrip, onyń qamqorlyǵyna bólengen Janbolat Aýpbaı, Súleımen Mámet, Jaqsybaı Samrat syndy inileri de sózin sóılep, mereıtoı ıesine uzaq ǵumyr tiledi. «Egemen Qazaqstan» RG» AQ Basqarma tóraǵasynyń orynbasary Aıbyn Shaǵalaq Erjuman Smaıyl aǵaǵa ujym atynan gramota tabystap, ıyǵyna shapan japty.
Maıgúl SULTAN,
«Egemen Qazaqstan»
