Bul zaýyt Belorýstyń aýyl sharýashylyǵy tehnıkalaryn óndiretin ataqty «Gomselmash» zaýytynyń ónimin Qazaqstanda qurastyrý quqyna ıe bolǵan jalǵyz óndiris orny ekenin aıtý lázim. О́tken jyl aıaǵynda qol qoıylǵan kelisimge sáıkes ústimizdegi jyly zaýyt astyq jınaıtyn 500 kombaındy sapqa qoımaq. Sonymen qatar, búginde elimizdegi aýyl sharýashylyǵy tehnıkalarynyń 50 paıyzyn «AgromashHoldıng» zaýyty óndirgen. Albert Raý Qostanaıdaǵy qos zaýyt jumysy alǵa basqandyǵyn, ótken jyldyń ózinde ónim úsh ese kóbeıgendigi jóninde jaqsy habar jetkizdi.
«Reseıdegi ótken jyldardaǵy ekonomıkalyq daǵdarys bizdiń mashına jasaý óndirisine de salqynyn tıgizgen bolatyn. О́nim 4 esege deıin qysqarǵan edi. О́ndiris keýdesin qaıta tiktedi. Endi aýyl sharýashylyǵyn tehnıka jóninen qoldaý kerek. Ol úshin Reseıden eski aýyl sharýashylyǵy tehnıkalaryn kádege jaratý baǵdarlamasyn ákelý kerek. Osydan bir jyl buryn mundaı baǵdarlama jeńil kólikter úshin boldy, ol nátıjesin berdi. Mine, osyndaı jolmen aýyl shaprýashylyǵyn qoldap ǵana emes, tehnıkalar parkin jańalaýymyzǵa bolady» dedi Albert Pavlovıch.
Quramynda I.Aronova, V.Oleınık, A.Sýslov, I.Klımenko, S.Qusaıynov, A.Raý bar Májilis depýtattarynyń toby iskerlik sapar barysynda «Nurly jer» memlekettik baǵdarlamasyn júzege asyryp jatqan Qostanaı aýdanyndaǵy «Severnyı» shaǵyn turǵyn aýdanynda boldy. Munan buryn «Nur Otan» partııasy oblystyq fılıalynda oblystyq máslıhat depýtattarymen kezdesken bolatyn. Aldaǵy ýaqytta da depýtattar toby oblys aýdandary men qalalaryn aralap, eńbek ujymdarynda bolyp, ekonomıkalyq jáne áleýmettik salalardaǵy ózekti degen máselelerdi zerdeleıtin bolady.
Názıra Járimbet,
«Egemen Qazaqstan»
Qostanaı
