Jerlesterine qýanysh syılaǵan azamat

Qyzyl­jar óńirinde de «Týǵan jer» baǵ­darlamasy aıasynda ósip-óngen ortasyn gúldendirýge belsene atsalysyp júrgen azamattar az emes. Solardyń biri – oblystyq máslıhat depýtaty Altynbek Saparov.

Altynbek Saparov eńbek jo­lyn jeke kásipkerlikten bas­tap, kásibin ulǵaıtqannan keıin turalap qa­l­ǵan aýylyn kórkeıtýge bel bý­dy. «Noǵaıbaı» JShS-sin quryp, egin­­shilikpen de, mal ósirýmen de júıeli aınalysyp keledi. Aýyl­das­taryn turaqty ju­mys­pen qam­tamasyz etip, birqatar áleý­met­tik sharalardy júzege asyrdy. Solar­dyń birine seriktestik qara­ja­tyna bes úı turǵyzylyp, jýyrda paıda­la­nýǵa berilgenin aıtýǵa bo­lady. Bas­pananyń kilti birinshi bo­lyp 9 ul-qyz ósirip, 15 nemere, 1 shóbere súıip otyrǵan Marat jáne Maqpýza Naza­rovtarǵa saltanatty túrde ta­bys etildi. Otaǵasy osynda 42 jyl eńbek etipti. Kókshetaýdaǵy Aqan seri atyndaǵy óner kolledjin bitirip, «Dıplommen-aýylǵa!» baǵ­dar­lamasy boıynsha mádenıet úıiniń meń­gerýshisi qyzmetine ornalasqan jas maman Qalymbek Nábıdiń de qýanyshynda shek bolmady. Kóktemgi qarǵyn sýdan japa shekken zeınetker Raqysh Qydyrmına da jaıly baspanaǵa ıe boldy.

– Shekaraǵa jaqyn ornalasqan Noǵaıbaı aýylynda qazir 130 adam turady. Jańa úılerge Jambyl oblysynan kóship kelgen eki otbasyny qonystandyrdyq. Ondaǵy oıymyz – oqýshylar sanyn molaıtý arqyly jabylyp qalǵan orta mektepti qaıta ashý. Feldsherlik-akýsherlik pýnkt salýdy da oılastyryp otyrmyz,– deıdi A.Saparov.

Bul bilikti basshynyń jer­les­te­­rine kórsetip otyrǵan kómek­te­ri­niń bir mysaly ǵana. Bız­nestiń áleý­mettik jaýap­kershiligin jete túsingen ol byltyr demalys-kóńil kóterý ortalyǵy men úsh turǵyn úı salyp bergen bolatyn. Altynbektiń ar­qasynda Qaraqoǵa – Noǵaıbaı jol ýchas­kesi qalpyna keltirilip, kóshe­ler asfalttaldy. Ár aýlaǵa sapaly aýyz sý jetkizildi.

Shaǵyn eldi mekende fýtbol ala­ńy, balalardyń oıyn alań­qaı­la­ry, elektr qýatyn únemdeıtin shamdar ju­mys istep tur. Birneshe úıdiń irgetasy qalanyp, bıyl qonystoı odan ári jalǵasatynyn da atap ótý ke­rek. Sondaı-aq Qaraqoǵa mekte­bi­ne qatynap oqıtyn balalar úshin avtobýs satyp alynbaq.

О́mir ESQALI,
«Egemen Qazaqstan»

Soltústik Qazaqstan oblysy,

M. Jumabaev aýdany