«Qazirgi tańda bizdiń elimizde epıdemıologııalyq jaǵdaı turaqty bolyp tabylady. О́tken jylmen salystyrǵanda jalpy syrqattanýshylyq 14 paıyzǵa tómen. Ár jylda jiti respıratorly vırýstyq ınfeksııa men tumaý aýrýlary osy jeltoqsan aıynyń ortasynan bastalady. Odan keıin qańtar aıynda ekinshi márte kóterilýi múmkin. Qazirgi tańda laboratorııalarda anyqtalǵan tumaýdyń tek 30 jaǵdaıy tirkelip otyr. Onyń ishinde 58 paıyzy «B» tıpi jáne 42 paıyzy «A» tıpi. Bıylǵy jyldyń ereksheligi – 2009-2011 jyldary búkil álemdi shýlatqan N1 tumaýy bıyl tirkelmedi. Ekinshiden, bıylǵy jyly biz jiti respıratorly vırýsty ınfeksııalardy alsaq, olardyń 10-nan astam túri bar. Bul tumaýǵa uqsas jiti respıratorly ınfeksııalardyń tıpteri. Onyń negizgi qozdyrǵyshtary – rına, meta, adena vırýstary. Búgingi tańda kóbisin rına vırýstar qurap otyr. Olar 38 paıyz, adena vırýstar 20 paıyz. Bıyl elimizde tumaýǵa uqsas asa qaýipti vırýstardyń biri – karona vırýsy. Ol bir kezderi Saýd Arabııasy men Ońtústik Koreıa elderinde tirkelip, sońy ólimmen aıaqtalǵan jaǵdaılar da bar. Elimizde tirkelgen bul vırýs ázirshe 4 paıyzdy qurap otyr. Osylardy eskere otyryp, biz aldyn alý sharalaryn atqaryp jatyrmyz. Birinshiden, aýrýlardyń sanyn azaıtý jáne asqynýlardy boldyrmaý úshin kúsh jumsaımyz», dedi spıker.
Onyń aıtýynsha, birinshi kezekte deneniń ımmýndyq kúshterin kóterý kerek. «Balalarǵa ashyq aýada jıi júrý, tynysh uıqy usynylady. Balalardyń qoǵamdyq sharalarǵa qatysýyn shekteý kerek. Eger bala aýyrsa, onda ol mektepke nemese balabaqshaǵa jiberilmeýi kerek», dedi ol.
J.Bekshınniń málimetinshe, Qazaqstanda onnan astam antıvırýstyq jáne antıbakterıaldy preparattar tirkelgen. Biraq olar dáriger taǵaıyndaǵannan keıin ǵana qoldanylýy qajet. «Negizgi qate – ózin ózi emdeý. Tek dáriger ǵana aýrý túrin anyqtap, onyń emdeý jolyn kórsetedi. Mysaly, antıbıotıktermen vırýstyq aýrýlar emdelmeıdi, bul týraly barlyq adam bilmeıdi. Jedel respıratorly aýrýlardyń nemese JRVI belgileri bolǵan jaǵdaıda siz dereý mamanǵa habarlasýyńyz kerek», dedi J.Bekshın.
Raýan QAIDAR,
«Egemen Qazaqstan»
