Kóktemde 1821 túp, kúzde 1855 túp kóshet egildi

Jasyl daraq – eldiń, jerdiń kór­ki, jan saraıyńdy ashatyn jupar aýa, eko­lo­gııalyq qaýipsizdik. Alaıda, sol aǵashtardy tikken adam­dar­dyń kemeline jetkende kók­teı sol­dyratyn jaǵdaıy kezdesip jatady. Shymkent – Temirlan tas jolynyń eki jaǵyna egilgen aǵashtar qus ba­zaryna aı­nalyp, ájepteýir boı tú­zep qalyp edi. Ási­rese, kúz aıla­ryn­da alýan túske bó­lenip, ertegi ále­mi­ne kirgizip jibergendeı áserge bó­leı­tin, kóńi­lińdi hosh qylar edi. Sol qyryq shaqyrymǵa deıin so­zylyp jatqan daraqtar búginde joq. “Ba­tys Eýropa – Batys Qytaı” ha­lyq­aralyq avtomagıstraly sol tas jol ús­ti­ne tústi de, alyp býldozerler tamyry tereńge ketken aǵashtar­dy qıratty da tastady. Halyq­ara­lyq jol kerek. Sulý qyzdaı taral­ǵan alýan túrli aǵashtar da kerek edi. Ishiń ýdaı ashıdy. Oblys ákimdigi osy olqylyq­tar­dyń ornyn toltyryp jatyr. Qabyldanǵan “Jasyl aımaq” baǵ­dar­lamasyna sáıkes qala, aýdan­dar­daǵy eldi mekenderdi kógaldan­dy­rýda 2011 jyldyń kóktem aıla­rynda 4304 ga jerge 1821  túp aǵash kóshetteri otyr­ǵyzyldy. Aǵymdaǵy jyldyń kúz aıla­ryn­da 4154 ga jer kólemine 1855 túp aǵash kó­shetteri egiletin bolady. Kúzgi is-sharada qala, aýdandar boı­yn­sha Arysta – 436,9 ga, Báıdi­bekte – 469,1 ga, Qazyǵurtta – 460,4 ga, Kentaýda – 216 ga, Ordabasyda – 214,3 ga, Oty­rar­da – 56 ga, Saıramda – 556 ga, Saryaǵash­ta – 390 ga, So­zaq­ta – 200 ga, Tólebıde – 82 ga, Túlki­bas­ta – 214 ga, Túrkistanda – 353,3 ga, Shardarada – 151,2 ga, Shym­kent­­te 355 gektar jerde kógaldandyrý ju­mystary júrgiziledi. Onyń ishinde, aýdan, qalalardaǵy kógaldandyrý is-sha­ra­syn­da bilim, sport, densaýlyq saqtaý já­ne mádenıet salalaryn­daǵy mekemeler, el­di meken kóshe­leri, eldi mekenderdi qo­sa­tyn joldar men ózen-kólderdiń boıla­ryn­da aǵash egý jumystary jal­ǵasa beredi. Sonymen qatar, kóktem aıla­ryn­da egi­lip, shilde, ta­­myz aı­larynda qý­ra­ǵan kó­shetterdiń or­nyn tolyq­ty­rý, egý jumys­tary qo­sa júrgi­zile­di. Osyndaı ıgi ju­­­mystardan je­ke­men­shik mekemelerde shet qalyp jat­qan joq. Sary­aǵashtaǵy “Al­tyn­­­aı” sanatorııiniń atqarýshy dırek­to­ry Asylhan Oısaev emdeý ornyna keletin tas jol bo­ıyna 200 túp qy­rym úıeń­ki­sin ekkendikterin habar­la­dy. – Qazaqstannyń torqaly toıyna ár azamat ózindik úlesin qosý kerek deıdi, – Asekeń. – Ertede bir aqyl­man: “Maǵan mem­leket ne beredi dep emes, men memleketke ne beremin dep oılanýy kerek”, depti. Elba­sy­myz Qazaqstan álemdegi úzdik mem­le­ketterdiń biri bolý úshin jı­yrma jyldyń enshisine syımaıtyndaı jumystardyń júzege asýyna yqpal etti. Jeke mekemelerdiń kóleńkede qa­lyp ketpeýin ótindi. Biz jaqyn arada taǵy da 800 kóshet otyr­ǵyz­baq­pyz. Myń túp aǵashtyń tamyr baılanýyn qyzmetker­le­rimiz jaýapkershilikterine alyp otyr. Bir saýyqtyrý ortalyǵy osynsha kóshet otyrǵyzdy. Eger árbir mekeme qolyna kóshet ustap, kúrek alsa she... Shymkenttiń túbiri jasyl qala. Teris qadaǵan kóshet tamyr alyp ketedi. Oblys ákimdigi qalany boılaı “Jasyl beldeý” jasaýǵa shyndap nıettendi. Ertegideı Iran baǵy sııaqty... Baqtııar TAIJAN, Ońtústik Qazaqstan oblysy.