Oblystyq mádenıet, muraǵattar jáne qujattama basqarmasynyń basshysy Ardaq Raıymbekovtiń aıtýynsha, bul sapar bizdiń elimiz ben Italııa arasyndaǵy dıplomatııalyq qarym-qatynastyń 25 jyldyǵyna arnaldy. Byltyr Jumat Shanınniń 125 jyldyǵyna arnalǵan sımfonııalyq orkestrdiń konsertine ıtalııalyq belgili maestro, ımpressarıo Leonardo Kýadrını dırıjerlik etti. Sonymen birge, Nıý-Iorkten kelgen Jumat Shanınniń skrıpkashy nemeresi Arman Myrzaǵalıevtiń, Leonardo Kýadrınıdiń konsertteri ótti. Ekinshiden, gastroldik sapar «Bolashaqqa baǵdar: rýhanı jańǵyrý» maqalasynda aıtylǵan «Jahandaǵy zamanaýı qazaqstandyq mádenıet» jobasyna da qatysy bar.
Oblystyq fılarmonııanyń 60 jyldyq tarıhy bar. Al, Italııada óner kórsetip júrgen orkestrdiń konserttik baǵdarlamasynda Chaıkovskıı, Maskanı, Verdı, Mosart, Rossını, Shtraýs jáne Mendelsonnyń shyǵarmalary bar. Sapardyń uıymdastyrýshyleri jáne dırıjerleri Leonardo Kýadrını jáne Bolat Rahymjanov.
Buǵan deıin Bolat Rahymjanov jetekshilik jasaıtyn sımfonııalyq orkestr Túrkııada ótken Túrki tildes halyqtardyń mádenıeti festıvalinde Trabzon, Samsýn, Amasıa, Ankara, Bolý, Ystanbul qalalarynda, Germanııadaǵy Noıshtadte, Landaý, Shpaıerde óner kórsetti.
– Elimizdegi Italııa kúnderi aıasynda skrıpkashy Nello Salsa jáne dırıjer Massımo Skpıno da keldi. Sheteldik qonaqtar úlken yqylaspen ótken konsertterden soń, mádenıet-óner salasynda ózara yntymaqtastyq týraly usynys bildirgen-di. Álemdik maestro Kýadrınıdiń arnaıy shaqyrtýyn qabyl aldyq, – deıdi fılarmonııa dırektorynyń orynbasary Latıpa Quraqbaeva.
Farıda BYQAI,
«Egemen Qazaqstan»
Pavlodar
