Alaıda bólingen qarajattyń tolyq ıgerilmeýi saldarynan jospardaǵy 537 eseptegishtiń ornyna 325-i ǵana qoıyldy.
«Zań boıynsha ár tutynýshy jylý energııasy úshin tólemdi jylý eseptegish aspaptyń kórsetkishterine súıenip júrgizýi tıis. Alaıda, onyń tıimdiligin turǵyndardyń bári túsinip otyrǵan joq. Osy sebepti memlekettik baǵdarlama osy jyldyń qarasha aıyna deıin uzartylyp otyr», deıdi «Sevkazenergosbyt» JShS bas dırektorynyń mindetin atqarýshy Maǵaýııa Saǵyndyqov.
Reseıde jasalatyn qurylǵylardyń baǵasy 700 myń-900 myń teńge aralyǵynda.
Petropavl qalalyq ákimdigi janyndaǵy PIK keńesiniń tóraǵasy Aleksandr Vasılevtyń aıtýynsha jylý mólsherin aýa raıyna baılanysty rettep otyrýǵa da bolady. Jańa jyldan bastap jylý energııasy úshin saralanǵan tarıf qymbattady. Byltyr ár sharshy metr úshin 122 teńge bolsa, qazir 128 teńgeni quraıdy. Byltyr eseptegish qural ornatqan úıler páterdiń ár sharshy metrine ortasha eseppen 49 teńgeden ǵana esep aıyrysqan. Únemdilikti baıqamaý múmkin emes. Soǵan qaramastan Petropavl qalasynda barlyǵy 457 kópqabatty turǵyn úı ǵana eseptegish quraldarmen qamtamasyz etilgen.
О́mir ESQALI,
«Egemen Qazaqstan»
