Mańǵystaý oblysynyń qarjy basqarmasynyń basshysy Álbekova Marına Borısovnanyń baıandamasyna sáıkes, 2018 jyldyń 1 qańtarynda oblys bıýdjetiniń barlyq deńgeıdegi tabysy (337,9 mlrd. teńge josparymen salyq tólemderi men 335,6 mlrd. teńge alymdary) 99,3% boldy. Sondaı-aq respýblıkalyq bıýdjettiń kirisi 203,1 mlrd. teńge josparymen 204,2 mlrd. teńge nemese 100,5%-dy qurap, artyq oryndaldy.
Jergilikti bıýdjetke 131,4 mlrd. teńge nemese oryndalýdyń 97,4% -y tústi. Aýdandar men qalalardyń jergilikti bıýdjetteriniń úshinshi sanattaǵy tabystary 98%-dan 103,3%-ǵa deıin oryndaldy. 2017 jyldyń qorytyndysy boıynsha oblystyq bıýdjettiń shyǵystary 175,8 mlrd. teńgege nemese jyldyq jospardyń 97,6%-y, onyń ishinde jergilikti bıýdjet 97%, maqsatty transfertter 99,6%-ǵa oryndaldy. (2016 j. 183,1 mlrd.teńge nemese 98,3%, onyń ishinde: JB - 98,4%, MT - 97,9%).
Jyl sońynda tabystyń jalpy jetispeýshiliginen týyndaǵan qarjy jetispeýshiligi jergilikti bıýdjettiń ıgerilýine áser etkeni baıqaldy. Oblys boıynsha ıgerilmegen qarjynyń jalpy somasy – 4 316 mln.teńgeni qurady. Onyń ishinde 4 165 mln.teńge jergilikti bıýdjetke, 151 mln. teńge (ekonomııa) maqsatty transfertter men RB (respýblıkalyq bıýdjet) nesıelerine tıesili. Respýblıkalyq bıýdjettiń maqsatty transfertteriniń jyldyq jospary 39 mlrd. teńgeni qurap, onyń 38,8 mlrd. teńgesi (99,6%) ıgerildi. Igerilmegen jáne 2018 jyldyń 1 naýryzyna deıin RB kirisine qaıtarylýy tıis únemdelgen qarjynyń jalpy somasy – 150,6 mln. teńge. Jergilikti bıýdjet shyǵyndarynyń jyldyq jospary 141,1 mlrd. teńgeni qurap, onyń 137 mlrd teńgesi nemese 97%-y ıgerildi.
Sonymen qatar, apparattyq jıynda 2017-2018 jyldarǵa arnalǵan keshendi jekeshelendirý josparyna sáıkes Mańǵystaý oblysynda 20 nysan jekeshelendiriletini jóninde aıtyldy.
2017 jyly barlyǵy 15 nysandy jekeshelendirý josparlanyp, jyl qortyndysy boıynsha 6 nysan júzege asyryldy. Atap aıtsaq, 25,9 mln. teńgege 2 nysan satyldy, senimdi basqarýǵa 1 nysan berildi, joıýylýyna baılanysty 3 nysan aýksıonnan alyndy. Qalǵan 9 obekt aýksıonǵa qatysýshylardyń bolmaýyna baılanysty jaramsyz dep tanyldy. 2018 jyly jekeshelendirýge 5 nysan qarastyryldy.
Densaýlyq saqtaý júıesiniń ınfraqurylymyn damytýdyń biryńǵaı uzaq merzimdi jospary jóninde Mańǵystaý oblystyq densaýlyq saqtaý basqarmasy basshysynyń ýaqytsha mindetin atqarýshy Talǵatbek Bapıev baıandady.
Mańǵystaý oblysynda medısınalyq uıymdar jelisin qurý maqsatynda memlekettik standartqa sáıkes 2017-2025 jyldarǵa arnalǵan densaýlyq saqtaý ınfraqurylymyn damytýdyń biryńǵaı uzaq merzimdi jospary ázirlendi. Atalmysh josparǵa sáıkes oblysta 10 aýrýhana men 29 ambýlatorııalyq emhana qurylysy josparlandy. Olardyń ishinde MJÁ mehanızmine sáıkes - 12, munaı kompanııalarynan - 2, jeke tulǵalardan - 4, JB -2 nysan salynbaq.
MJÁ mehanızmi boıynsha Aqtaý qalasyndaǵy 35-shaǵynaýdannan 535 tósek oryndyq kópfýnksıonaldy aýrýhana salý josparǵa engizildi. Ol balalar men eresekterge arnalǵan 13 mamandandyrylǵan ortalyqty qamtıdy. Aýrýhanaǵa kórshi Atyraý jáne Batys Qazaqstan oblystarynan da naýqastar jatqyzylmaq. Qazirgi tańda Atyraý oblysymen kelisim shart jasaldy.
Mańǵystaý oblysynyń jedel járdem qyzmetin ońtaılandyrý oblys kóleminde biryńǵaı dıspetcherlik servıspen ortalyqtandyrýdy kózdeıdi. Jańa tásil jedel járdem qyzmetin jańartýdy jáne aımaqtaǵy 25 modýldik qosalqy stansııanyń ashylýyn qamtamasyz etedi.
-Bul jedel járdem brıgadalarynyń kelý ýaqytyn 5-7 mınýtqa qysqartyp, pasıentterdi tasymaldaý satysynda ólim-jitimdi azaıtady, sátti reanımasııa qyzmetin 80%-ǵa deıin jáne shuǵyl medısınalyq kómek kórsetý jyldamdyǵyn 100% -ǵa deıin arttyrady, deıdi Mańǵystaý oblystyq densaýlyq saqtaý basqarmasy basshysynyń ýaqytsha mindetin atqarýshy Talǵatbek Bapıev.
Gúlaıym ShYNTEMIRQYZY,
«Egemen Qazaqstan»
