Senatorlar Bórli aýdanynda jergilikti turǵyndarmen kezdesý barysynda Parlamenttiń ótken jylǵy jumysy, sondaı-aq qazirgi kezde qaralyp jatqan zań jobalary týraly áńgimelep berdi. Sharaǵa qatysýshylar depýtattar men atqarýshy organdar ókilderiniń aldyna aýdandaǵy gaz óńdeý zaýytynyń qurylysy men Podstepnoe-Elek avtomobıl jolyn jóndeý jumystaryn qarjylandyrý máselelerin qoıdy. Aýyl turǵyndary balalarǵa zorlyq-zombylyq jasaýdyń aldyn alýǵa qatysty sharalaryna arnalǵan zańdardy qataıtýdy qoldady.
Senatorlar Shyńǵyrlaý aýdanynda birqatar qurylystar men áleýmettik nysandarda boldy. Shyńǵyrlaýdyń batys jaǵyndaǵy, elimiz táýelsizdiginiń 26 jyldyǵy qarsańynda paıdalanýǵa berilgen jańa shaǵyn aýdanda parlamentshiler jergilikti turǵyndarmen kezdesti. Jańa qonysqa kelgender «Nurly jer» baǵdarlamasynyń jemisti oryndalýynyń arqasynda olar turǵyn úı alý múmkindigine ıe bolǵandaryn atap ótti. Depýtattar «Bolashaq» balalar baqshasy men «Patrıot» dúkeninde de boldy. Sapar barysynda senatorlar Memleket basshysynyń «Bolashaqqa baǵdar: rýhanı jańǵyrý» maqalasynyń basymdyqtaryn iske asyrý aıasynda ashylǵan aýdandyq tarıhı-ólketaný murajaıynda bolyp, qundy jádigerlerlermen tanysty.
Senat depýtattary E. Muqaev pen N. Tóreǵalıev «Nur Otan» partııasynyń ǵımaratynda aýyl aqsaqaldary, máslıhat depýtattary, mekeme basshylary jáne jastar qatysqan kezdesýde aýdandy odan ári damytýdyń keleshegin talqylady.
