«О́nimniń qaı túrin alsaq ta adam aǵzasyna óte paıdaly. Máselen, qaraqumyq balynyń quramynda temir mólsheri óte jetkilikti. Anemııa aýrýynan aıyǵýǵa kómektesedi. Qan aınalymyn qalpyna keltiredi. Baýyrdyń jumysyn jaqsartady», deıdi satýshy-keńesshi Anastasııa Ekımova.
Jármeńkege reseılik omartashylar baldyń 20-dan asa túrin ákelipti. Baǵalary árqıly. Mysaly, ara jeliminen jasalǵan ónimniń 1 kelisi 2800 teńge turady. Eń qymbaty – baltozań baly. Onyń 1 kelisi 6 myń teńge. Júrek aýrýlarynan saýyqtyrýymen erekshelenedi.
Jármeńkede tozańnyń ózi de satylady. Onyń bettegi ájimdi ketiretin kómegi bar kórinedi. Qyz-kelinshekter tarapynan suranys joǵary. Meımandar qalamyzǵa áıgili Azov halvasyn da ákelipti. Azov qalasynda shyǵarylatyn ónim 80 jyldardaǵy ádis boıynsha ázirlengen. О́nim kúnbaǵys pen qant qospasynan daıyndalady. Dámi til úıiredi.
Reseılik omartashylar uıymdastyrǵan bal jármeńkesi qańtardyń 14-ine deıin jalǵasady.
О́mir ESQALI,
«Egemen Qazaqstan»
