Elbasy Nursultan Nazarbaev Qazaqstan tarıhyndaǵy sheshýshi kezeńde erkindik pen táýelsizdikti ańsaǵan halyqtyń asyl armanyn oryndady. Qysqa merzim ishinde Qazaqstan júz jylǵa tatıtyn ǵajaıyp kezeńdi artqa tastady.
«N.Nazarbaev: dáýir, tulǵa, qoǵam» kórmesi tórt taqyryptyq bólimnen quralǵan: «Kóshbasshy joly», «Kóshbasshy fenomeni», «Elbasy mártebesi-el mártebesi» jáne «Álem tanyǵan kóshbasshy» taqyryptyq arnaıy bólimderden turady. El nazaryna Qazaqstan Respýblıkasynyń Tuńǵysh Prezıdenti – Elbasy kitaphanasy qorynyń arhıvtik qujattary, kitaptar men jádigerleriniń toptamasy usynylyp otyr. Kórmeniń árbir ekspozısııasyna qoıylǵan Táýelsiz Qazaqstannyń tarıhı derektik hronıkasy Elbasynyń qyzmeti arqyly ınteraktıvti aýmaqtaǵy aýqymdy aqparattyq resýrstar arqyly kórsetiledi.
El yqylasyn oıatqan bul kórmeniń maqsaty Qazaqstan Respýblıkasynyń Tuńǵysh Prezıdenti – Elbasynyń álemge tanylǵan, ekonomıkasy qarqyndy damyǵan, iri ekonomıkalyq, óndiristik, ǵylymı, mádenı, zamanaýı memleket qalyptastyrýdaǵy rólin júıeli túrde kórsetý bolyp tabylady. Kitaphana jınaǵynyń materıaldary N.Nazarbaevtyń mektep jasyndaǵy, jastyq shaq, komsomol, partııa jáne memlekettik qyzmettegi kezeńderin sıpattaıdy. Aýqymdy oqıǵalarǵa toly bolǵan bul jyldar jeke adamnyń jáne qoǵamnyń tarıhı tańdaýyna sebepker bola bildi.Qazaqstan Respýblıkasynyń Tuńǵysh Prezıdenti – Elbasy kitaphanasynyń qoryndaǵy kitaptardyń arasynan, ár jyldarda N.Á. Nazarbaevqa syıǵa berilgen qazaqstandyq avtorlardyń qoltańbasy qoıylǵan kitaptar erekshe oryn alady. Memleket Basshysynyń tulǵasyna baılanysty, árbir qoltańbasy bar kitaptyń qoınaýynda, syılaýshynyń taǵdyry men kitaptyń qaıtalanbas tarıhy jatyr.
«Álem tanyǵan kóshbasshy» bóliminde sheteldik memleket jáne úkimet basshylarynan tapsyrylǵan dıplomatııalyq syılyqtar usynylǵan. Bul syılyqtar búkil álem úshin óziniń óziniń jemisin bergen N.Á. Nazarbaevtyń syrtqy saıasatynyń syrtqy saıasatynyń saıası bastamalarynyń nátıjeleriniń nátıjesi bolyp qalanyp jatyr. Qazaqstannyń qazirgi zamanǵy tarıhynyń ózekti máseleleri memleket Basshysynyń kóptegen ǵylymı jáne ǵylymı-tanymdyq eńbekterinde qarastyrylady. N.Á. Nazarbaev dúnıejúziniń 34 tiline aýdarylǵan jıyrmadan artyq kitaptardyń jáne ǵylymı maqalalardyń avtory bolyp keledi.
1990 jyldardyń birinshi jartysy Qazaqstan tarıhyna jas memlekettiń táýelsizdiginiń irgesi qalanyp, álemdik qaýymdastyq tarapynan tanylyp, saıası kartada ózindik ornyn tabýymen erekshe este qaldy. Kórmede aıryqsha oryn alyp otyrǵan arab tilindegi musylmandyqtyń qasıetti basylymdarynyń úlgileri usynylǵan. Bul kolleksııada N.Á. Nazarbaevqa sheteldik jáne otandyq ǵylym jáne mádenıet qaıratkerlerinen tabys etilgen syılyqtardyń negizinde quralǵan. Ár kitaptyń óńdelýi názik zergerlik, kórkemdik jáne kallıgrafııalyq sheberlikpen erekshelenedi.
Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevqa sheteldiń 30-dan asa memleketinen berilgen eń joǵarǵy marapattary Kitaphananyń mýzeı qorynyń eń basty qundylyqtary ári maqtanysy bolyp esepteledi. Bul marapattar memleketter arasyndaǵy dıplomatııalyq qatynastar ornatýdaǵy N.Á.Nazarbaevtyń qosqan zor úlesi úshin, ıadrolyq qaýipti joıý jáne Qazaqstandaǵy ultaralyq, dinaralyq tatýlyq pen kelisimdi qamtamasyz etýdegi tolaıym bastamalary úshin berilgenin bilemiz.
Bul kúngi is-sharaǵa elimizdiń tanymal tarıhshy ǵalymdary Sh.Ýálıhanov atyndaǵy Tarıh jáne etnologııa ınstıtýtynyń dırektory, professor Zııabek Qabyldınov pen professor Murat Ábdirov kórmege kelgen jastarǵa qyzǵylyqty áńgime ótkizdi.
Saparbaı PARMANQUL,
«Egemen Qazaqstan»
