«Bi­lim berý mazmunyn jańartýdyń mańyzdylyǵy» atty semınar-konferensııa ótti

Konferensııaǵa uıytqy bolǵan «Qazaqstannyń bilim jáne ǵy­lym álemi» respýblıkalyq jýr­nalynyń bas redaktory Dına Oryn­bekqyzy Elbasy Nursultan Nazar­baevtyń Qazaqstan halqyna Jol­­daýy jáne «Bolashaqqa baǵ­dar: rý­hanı jańǵyrý» atty maqa­la­sy­nyń aıasynda atqarylyp jatqan is-sharalardyń ishinde bilim berý salasyndaǵy máselelerdiń de alar orny bar ekenin, zamanǵa saı bilim berý mazmunyn jańartý tıimdiligi týraly áńgimeledi.

Atyraý qalasynyń mektep dı­rektory Aınagúl Bólekova men­ed­­jmenttegi is-tájirıbesimen bó­lisse, Astana qalasy mektep-lı­seıi dırektorynyń ǵylymı-ádis­temelik jumys boıynsha orynbasary Zámzágúl Kenjeahmetova bi­lim men tárbıeni qatar órbi­te­­tin ulttyq pedagogıkanyń ma­ńyz­­­dylyǵyn, onyń ulttyq qun­dy­­lyqtardy dáripteýdegi orny men ulttyq kodty tanýdaǵy qaı­ta­lanbas róli týraly aıta ke­lip, naqtylyǵy men tıimdiligi joq kóptegen baǵdarlamalarǵa qa­­­­raǵanda «Jeti qazyna» sııaq­ty mektep oqýshylarynyń jas erek­­­­­shelikterine qaraı tú­zi­lg­en baǵdarlamalardy usy­ný­dyń ózek­­­tiligin jetkizdi. «Bú­gin­gi ult­tyq pedagogıka «sha­­qy­ryl­ma­ǵan qo­­naqtyń sy­py­ryl­ma­ǵan jer­ge otyr­­ǵany» sııa­qty kún keshý­de. О́zi­­miz ony tórge shy­ǵar­ma­saq, sy­rt­tan eshkim ony dá­rip­temeıdi», de­di ol.

Sondaı-aq belgili qoǵam qaı­rat­keri Orazgúl Asanǵazy da osy ta­qyrypty jalǵastyryp, elin, je­rin, tilin, dilin maqtan tuta­tyn urpaqty oqytatyn da, qa­lyp­tastyratyn da jaýap­ty tul­ǵa mu­ǵalim ekendigine nazar aýdardy. Máń­gilik el bolýǵa aparatyn birden- bir jol – qazaqtyń tól mádenıetin taný men onyń baı ana tilinde bilim alý, sodan keıin ózge tildi meńgerý ekendigin aıtty.

Jıynda Qazaqstannyń ár túkpirinen kelgen bilim berý uıymdarynyń óki­l­deri Astana qalasynyń №70 mek­­tep-lıseıinde ashyq sabaq ót­ki­­zip, ótkizgen sabaqtarǵa taldaý ja­sady. Osylaısha, muǵalimder ózara tájirıbe men pikir almasty. Semınar-konferensııada sonymen qa­tar qazaq tilin birtindep latyn álip­bıine kóshirý jumystary jáne onyń yńǵaıly jolyn qarastyrý jaıy qozǵaldy. Almaty qalasynan ar­naıy kelgen fılologııa ǵy­lym­darynyń kandıdaty Anar Fa­zyljanova atalǵan máseleni ǵy­ly­mı turǵydan qarastyrýdyń qa­jettiligine toqtaldy. Osy rette la­tyn álipbıine kóshýge baılanys­ty Qýantqan Vanov ózindik zertteý jumystarymen tanystyrdy.

Mazmundy basqosýda bilim berý uıymdarynyń birqatar qyz­met­keri «Úzdik avtor» jáne «Bilim kósh­basshysy» tósbelgilerimen, basqa da marapattarmen marapattaldy.

Dýman ANASh,
«Egemen Qazaqstan»