О́ndiristik baza aımaqtyń munaı óndirýshi kompanııalaryna munaı barlaý, burǵylaý, geofızıkalyq barlaý jumystaryn júrgizý qyzmetterin usynady. Búgingi tańda kompanııanyń jergilikti bóliminde 327 qyzmetker jumys isteıdi. Kompanııa qyzmetkerleri oblys ákimine mamandar daıarlaýda kezdesetin birneshe máselelerdi kóterdi. Osyǵan oraı, kásiptik mektepterdiń basshylarymen osy kompanııa negizinde biryńǵaı kásiptik ýchılıshesin qurý týraly usynys engizý tapsyryldy.
Kelesi nysan Qyzyltóbe aýylyndaǵy 75 oryndyq «Myń ǵasyr» jekemenshik balabaqshasy boldy. Ashylǵanyna 2 aı bolǵan balabaqsha búginde19 adamdy jumyspen qamtyp otyr. Sapar odan ári №6 orta mektebinde jalǵasty. Atalmysh bilim oshaǵynda 3 210 oqýshy men 321 qyzmetker bar. Mektep úsh aýysym boıynsha bilim beredi.
Munaıly aýdanynyń ákimi Nurlan Tájibaev Basqudyq aýylyndaǵy 600 oryndyq mekteptiń qurylysy aıaqtalyp, aǵymdaǵy jyly paıdalanylýǵa beriletindigin aıtty. Sondaı-aq, bıyl taǵy 5 mekteptiń qurylysy bastalmaq. Sol arqyly aýdandaǵy úsh aýysymdy oqytý júıesin retteýdi kózdeıdi.
Oblys ákimi Munaıly aýdanyndaǵy jumys sapary barysynda «Emır oıl» jáne «Shuǵyla» JShS munaı jáne janar-jaǵarmaı saqtaý bazasynyń jumysymen tanysty. Bul – munaı ónimderin alýǵa, saqtaýǵa jáne taratýǵa arnalǵan rezervýarlyq fermasy jáne ǵımarattar, qurylystar men baılanys kesheni bar kásiporyn. «QazTransGazǵa» 150 myń tonna ilespe gaz satady. Aqsaz aımaǵynda zaýyttyń qurylysy aıaqtalǵannan keıin shamamen kúndelikti 600 m3 óńdelgen gaz alý múmkin bolmaq. Bul óńirdegi gaz tapshylyǵy máselesin sheshýge kómektesedi.
Issapar bir aýysymda orta eseppen 50 pasıent qabyldaıtyn, 31 qyzmetker - 5 dáriger jáne 20-dan astam medbıke jumys isteıtin Baıandy aýylyndaǵy dárigerlik ambýlatorııasynda jáne Baıandy aýylynyń mańyndaǵy qatty turmystyq qaldyqtardy qabyldaý polıgonynda jalǵasty. Zańdy tulǵalar úshin qaldyqtardy qabyldaý quny 1 tekshe metrge - 559 teńge, jeke tulǵalar úshin 194 teńge. Eraly Toǵjanov polıgonnyń qaldyqtardy jınaý jumystaryna daıyndyǵy, qoqys óńdeý boıynsha ınvestorlardy tartý týraly esep daıyndaýdy tapsyrdy.
Kelesi nysan «Ýsmanov» aýyl sharýashylyq kásiporny boldy. Sharýashylyqtyń negizgi qyzmet túri – sút, aıran, shubat, qymyz óndiretin iri qara mal. Kásiporynda 12 qoıma, 15 jylqysy bar 2 qora, 4 túıe, 30 taýyq jáne 6 túıequs bar. Jeke sektorda 20 jergilikti turǵyn jumys isteıdi.
Sondaı-aq, Dáýlet aýylynyń turǵyny 28 jyl munaı salasynda qyzmet etken Aıtqul Salmanov 5/50 baǵdarlamasy arqyly sharýa qojalyǵyn ashyp, óz kásibin dóńgeletip otyr. Aldaǵy ýaqytta jylqy, sıyr ósirýmen qatar, sharýashylyqty Edilbaı qoılarymen tolyqtyrý josparlanýda. Jeke qojalyqty iri qarany bordaqylaý, mal ósiretin bazaǵa aınaldyrý úshin ákimdik tarapynan qoldaý kórsetiletin boldy.
Sapar sońynda oblys ákimi Eraly Toǵjanov Munaıly aýdanynyń aktıvterimen jáne aqsaqaldarymen kezdesti. Jıynda aýdandaǵy shaǵyn jáne orta bıznestiń damýy, Qyzyltóbe aýylyn sýmen qamtamasyz etý, jol jáne taǵy basqa birqatar máseleler kóterildi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
