Jańa mektepke deıingi mekemede búldirshinderdiń jas erekshelikterine sáıkes arnaıy jeti top ashylǵan. Olardyń árqaısysynda 20-25 bala bar. Balabaqshaǵa búldirshinderdi 2 jastan bastap qabyldaıdy. Balabaqsha ǵımaratynyń jalpy aýdany 7 604 sharshy metrdi quraıtyn 2 qabattan turady. Sondaı-aq keń sport jáne mýzykalyq zaldar bar.
«Bizde tájirıbeli jáne jas mamandar jumys jasaıdy. Sonymen qatar, arnaıy psıholog kabıneti qarastyrylǵan. Búldirshinderimiz qazaq, orys jáne aǵylshyn tilderin tolyq meńgeredi. Bizde qajetti jabdyqtar bar. Bizdiń balalarymyz úshin barlyq qolaıly jaǵdaılar jasalǵan»,-deıdi «Nurálem» balabaqshasynyń jetekshisi Gaýhar Tólegenova.
Búgingi kúni qalada 7 800 bala balabaqsha kezeginde tur. О́tken jyly Atyraý qalasynda jáne qala mańyndaǵy eldi mekenderde úsh balabaqsha paıdalanýǵa berildi. Atyraýda memlekettik-jekemenshik seriktestik aıasynda 20 balabaqshanyń qurylysyna jobalyq-smetalyq qujat daıyndalady. Osylaısha, jaqyn arada qalalyq jáne aýyldyq okrýgterde mektepke deıingi mekemelerdiń jetispeýshiligi máselesi tolyǵymen sheshiletin bolady.
