Bıyl azamattardy zeınetaqymen qamsyzdandyr úshin 1,9 trln-nan astam teńge qarastyrylyp otyr.
Oǵan qosa, 2018 jyldyń 1 shildesinen bastap 1998 jylǵy 1 qańtarǵa deıingi eńbek ótilin jáne 1998 jylǵy 1 qańtardan keıingi jınaqtaýshy zeınetaqy júıesine qatysý merzimin eskere otyryp, bazalyq zeınetaqyny taǵaıyndaý ádisin ózgertý josparlanýda. Mundaı ózgeris bazalyq zeınetaqynyń ósimin orta eseppen 1,8 esege deıin ulǵaıtýǵa múmkindik beredi. Osyǵan oraı, 2018 jyly 1 shildeden bastap zeınetaqynyń ortasha mólsheri bazalyq zeınetaqyny eskergende shamamen 82 myń teńgeni quraıtyn bolady.
Budan ózge, 2018 jyly bala týylýyna baılanysty járdemaqy mólsheri ózgeredi. Osylaısha, birinshi, ekinshi jáne úshinshi bala týylǵanda tólenetin bir jolǵy memlekettik járdemaqy 91 930 teńge, al tórtinshi jáne odan kóp bala dúnıege kelgen jaǵdaıda 151 515 teńge bolady. Bul maqsattarǵa respýblıkalyq bıýdjette 40,2 mlrd teńge qarastyrylǵan.
2018 jyly bala bir jasqa tolǵanǵa deıin onyń kútimine baılanysty aı saıynǵy memlekettik járdemaqy tóleýge respýblıkalyq bıýdjette 36,8 mlrd teńge qarastyrylady jáne járdemaqynyń mólsheri otbasyndaǵy balalar sanyna qaraı birinshi balaǵa 13 853 teńgeden (16 379 teńge – ekinshi balaǵa, 18 880 teńge – úshinshi balaǵa) 21 405 teńgege deıin (tórtinshi jáne odan kóp balaǵa) beriledi.
Aıta ketken jón, memlekettik áleýmettik saqtandyrý qorynda jarnalary bar jáne kútiminde bir jasqa tolǵanǵa deıin balasy bar jumys isteıtin áıelder tabysynan aıyrylyp qalǵan jaǵdaıda, olarǵa áleýmettik tólem jasalady. 2014 jyldyń basynan bastap, jumys isteıtin áıelder úshin bir jasqa tolǵanǵa deıingi bala kútimine baılanysty demalysta júrgende, mindetti zeınetaqy jarnalary sýbsıdııalanady, bul jınaqtalǵan zeınetaqy qarajatynyń ulǵaıýyna yqpal etedi. Respýblıkalyq bıýdjetten sýbsıdııalaýǵa jalpy kólemi (2014-2017 jj.) 16,5 mlrd teńge jumsaldy.
О́zgerister múmkindigi shekteýli adamdarǵa jáne olardyń kútimine arnalǵan járdemaqylarǵa qatysty boldy. О́tken jyly 255,9 mlrd teńge múgedektigi, asyraýshysynan aıyrylý boıynsha jáne jasyna baılanysty járdemaqylar tólemine baǵyttaldy. 2018 jyly atalǵan áleýmettik qoldaý úshin qarajat kólemi 326,8 mlrd teńgeni quraıtyn bolady.
QR EHÁQM málimetinshe, 2018 jyly múgedek balalardy tárbıelep otyrǵan azamattarǵa tólenetin járdemaqy mólsheri 15,6%-ǵa artyp, 29 699 teńgeni quraıdy. Barlyǵy atalǵan járdemaqy túrine 2018 jyly respýblıkalyq bıýdjetten 29,9 mlrd teńge qarastyrylǵan.
2018 jyldyń basyndaǵy jaǵdaı boıynsha, múgedekterge beriletin járdemaqy kólemi ortasha eseppen 33 087 teńge, asyraýshysynan aırylǵandar úshin – 31 334 teńge, jasyna qatysty – 12 719 teńge boldy. Múgedektigi boıynsha járdemaqy alýshylar sany 518 myńnan astam, asyraýshysynan aıyrylǵan – 168 myńnan astam, jasyna baılanysty – 1 myńnan astam adamdy quraıdy.
