Osyndaı kezdesýdiń biri Tasqala aýdanynda ótti. Elimizde atqarylyp jatqan áleýmettik jumystardyń aýqymy bul aýdannan da anyq kórinedi. Sońǵy eki jyl ishinde aýdan ortalyǵynda 8 shaqyrym jol jóndelgen. Bul jumys bıyl da jalǵaspaq. О́tken jyly «О́ńirlerdi damytý 2020» baǵdarlamasynyń «Aqbulaq» baǵyty aıasynda Mereı jáne Shejin aýyldyq okrýginde sý qubyry jańartyldy. Bıyl Amangeldi jáne Atameken aýylyna taza sý tartylady. Al Tasqala men Mereke okrýgterinde sý qubyryn qaıta jańartý úshin jobalyq-smetalyq jujattar daıyndalýda. Munymen qosa memlekettik jekeshelik áriptestik boıynsha eki joba qolǵa alynady. Bul jóninde Tasqala aýdany ákiminiń mindetin atqarýshy Arsen Baıandyqov baıandap berdi.
Tasqala aýdanynyń ekonomıkalyq áleýeti óte kúshti. Kúrdeli jóndeýden ótip jatqan Oral-Saratov halyqaralyq avtojoly bıyl tolyq aıaqtalyp, paıdalanýǵa berilmek. Sol kezde Tasqala aýdanynyń shekaralyq qarym-qatynasta mańyzy tipten arta túsedi.
Parlament depýtattaryna jergilikti turǵyndar óz usynys-pikirlerin de jetkizdi. Máselen, Tasqala aýdandyq qoǵamdyq kelisim keńesiniń tóraǵasy Baqtyǵul Tasmaǵanbetov sýdyń baǵasyn túsirý jónindegi usynysyn bildirse, aýdandyq ardagerler keńesiniń tóraǵasy Járdemǵalı Balyqov aýdan ortalyǵynda temirjoldan ótetin ekinshi jol salý, kommýnaldyq tólemderdiń baǵasyn turaqtandyrý, aýdan ortalyǵynda turǵyndarǵa tolyq medısınalyq qyzmet kórsetý týraly usynystaryn ortaǵa saldy.
Depýtattar Senat pen Májiliste ótken jyly atqarylǵan jumystar, qabyldanǵan zańdar týraly qysqasha baıandap, Prezıdenttiń «Rýhanı jańǵyrý»baǵdarlamalalyq maqalasynda aıtylǵan maqsat-mindetter jaıyn tilge tıek etti.
Qazaqstan Respýblıkasy Parlamenti Májilisiniń depýtaty Baqtııar Máken Zelenov aýdanyndaǵy Beles aýylynda «Beles Agro» JShS jumysymen tanysty.
Astyq ónimin óndirýshi iri kásiporynnyń ujymymen júzdesken depýtat bul jerde de Májilistiń sessııada atqarǵan jumysy týraly baıandap, qaralǵan zańdarǵa qysqasha sholý jasady. El ekonomıkasynyń damýy, zeınetaqy júıesin jetildirý, eńbekkerler múddesiniń qorǵalýy týraly pikir bildirgen depýtat Elbasynyń jańa Joldaýy men salalyq reformalar mindetterine qatysty oı bólisip, saýaldarǵa jaýap berdi.
Budan keıin Beles aýylynda ornalasqan «Batys Paýer» JShS-na bas suqqan depýtat gaz-týrbınalyq elektr stansııasy jumysshylarymen kezdesti.
– Memleket basshysy keshegi Joldaýynda tórtinshi ónerkásiptik revolıýsııa jaǵdaıyndaǵy damýymyzdyń jańa múmkindikterin aıqyndap berdi. Bıylǵy joldaý álemniń jańa damý baǵytyna beıimdelý men el bolyp jetistikke jetý jolyn tabýdyń baǵytyn nusqady. Jyl sanap órkendep kele jatqan elimizdi odan ári damyta túsý – Elbasy dittegen maqsat. Osyǵan halqymyz tutastaı jumylýy tıis. Jańa jyl el tarıhynda aıtýly sharalarmen aıshyqtalmaq. Maqsat aıqyn, jospar naqty. Halqymyzdy tabysqa jetkizetin, alǵa jyljytatyn eń bastysy faktor – birligimiz. Biz ózara syılastyqta, túsinistikte áreket etkende ǵana aldaǵy asýlardy ońaı ári nátıjeli asa alamyz, - dedi óz sózinde Baqtııar Máken.
Qazbek QUTTYMURATULY
«Egemen Qazaqstan»
Batys Qazaqstan
Sýretti túsirgen Ásemgúl BEKEShEVA
