Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginiń buıryǵy №354

2011 jylǵy 26 qyrkúıek,    Astana qalasy Sýmen jabdyqtaý jáne sý burý qyzmetiniń kórsetilgen kólemin anyqtaý ádistemesin bekitý týraly «Qazaqstan Respýblıkasynyń memlekettik basqarý júıesin odan ári jetildirý týraly» Qazaq­stan Respýblıkasy Prezıdentiniń 2009 jylǵy 24 maýsymdaǵy №832 Jarlyǵyna jáne Qazaqstan Respýblıkasynyń 2003 jylǵy 9 shildedegi Sý kodeksine sáıkes buıyramyn: 1. Qosa berilgen Sýmen jabdyqtaý jáne sý burý qyzmetiniń kórsetilgen kólemin anyqtaý ádistemesi bekitilsin. 2. Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginiń Turǵyn úı-kommýnaldyq sharýashylyq departamenti osy buıryqty Qazaqstan Respýb­lıkasy Ádilet mınıstrliginde memlekettik tirkeýden ótken soń buqaralyq aqparat quraldarynda resmı jarııalaýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi tóraǵasynyń orynbasary N.P. Tıhonıýkke júktelsin. 4. Osy buıryq alǵash ret resmı jarııalanǵan kúninen keıin on kúntizbelik kún ótken soń qoldanysqa engiziledi. Tóraǵa S.NOKIN. Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi tóraǵasynyń 2011 jylǵy 26 qyrkúıektegi №354 buıryǵymen bekitilgen Sýmen jabdyqtaý jáne sý burý qyzmetiniń kórsetilgen kólemin anyqtaý ádistemesi 1. Jalpy erejeler Osy Sýmen jabdyqtaý jáne sý burý qyzmetiniń kórsetilgen kólemin esepteý ádistemesi (budan ári – Ádisteme) Qazaqstan Respýblıkasynyń Sý kodeksiniń 37-1-babynyń 3) tarmaqshasyna jáne sáıkes sýmen jabdyqtaý jáne sý burý qyzmetterin paıdalanatyn jeke, zańdy tulǵalarǵa jáne jeke kásipkerlerge (budan ári – tutynýshylarǵa) eldi mekenderdiń sýmen jabdyqtaý jáne sý burý júıesin paıdalanýshy uıymdar (budan ári – qyzmet kórsetýshi) kórsetken qyzmetiniń kólemin anyqtaý kezinde biryńǵaı ustanymdy qamtamasyz etý maqsatynda ázirlendi. Osy Ádisteme qyzmet kórsetýshi tutynýshyǵa tóleý úshin shot usynǵan jaǵdaıda kórsetilgen sýmen jabdyqtaý jáne sý burý qyzmetiniń kólemin anyqtaý tártibin kózdeıdi. 2. Osy Ádistemede mynadaı termınder men uǵymdar paıdalanylady: 1) esepteý quraly – normalanǵan metrologııalyq sıpattamasy bar, belgili bir ýaqyt aralyǵy ishinde fızıkalyq shama birligin jańǵyrtatyn jáne saqtaıtyn ári Qazaqstan Respýblıkasynyń zańnamasynda belgilengen tártippen kommersııalyq esepke alý úshin qoldanýǵa ruqsat etilgen sý kólemin ólsheýge arnalǵan tehnıkalyq qural; 2) qyzmet kórsetýshi – sýmen jabdyqtaý men sý burýdyń tolyq tehnologııalyq úderisin júzege asyratyn jáne tutynýshylarǵa sýmen jabdyqtaý jáne sý burý jóninde qyzmetter kórsetý maqsatynda eldi mekenniń sýmen jabdyqtaý jáne sý burý júıesin paıdalanatyn, sondaı-aq tutynýshylardyń sýmen jabdyqtaý jáne sý burý júıeleriniń jaı-kúıine tehnıkalyq qadaǵalaýdy júzege asyratyn, tutastaı alǵanda eldi mekenniń sýmen jabdyqtaý jáne sý burý júıeleriniń damýyn retteıtin jáne baqylaıtyn sý sharýashylyǵy uıymy (sýmen jabdyqtaý jáne sý burý kásiporny); 3) oqshaý tazartý qurylystary – tutynýshynyń aýyz sýyn daıyndaýǵa nemese óziniń sarqyndy sýlaryn eldi mekenniń sý burý júıesine aǵyzý aldynda olardy tazartýǵa arnalǵan qurylystary men qurylǵylarynyń jıyntyǵy; 4) paıdalaný jaýapkershiligin bólý shekarasy – taraptardyń kelisimimen belgilenetin mindetter (olardy paıdalaný jaýapkershiligi) belgisi boıynsha sýmen jabdyqtaý jáne sý burý júıeleri elementteriniń bólý syzyǵy. Mundaı kelisim bolmaǵan kezde paıdalaný jaýapkershiliginiń shekarasy teńgerimdik tıesililigin bólý shekarasy boıynsha belgilenedi; 5) kirme sý qubyry – qosylý núktesindegi tıekti armatýrasy bar qudyqty qosa alǵanda, ǵımarattaǵy birinshi ysyrmaǵa deıingi sýmen jabdyqtaýdyń taratý jelisindegi qubyr; 6) sý tutynýdy paıdalaný normasy – Qazaqstan Respýblıkasynyń zańnamasynda belgilengen tártipte eseptelgen, naqty eldi mekendegi bir adamnyń, jeke qosalqy sharýashylyqtaǵy janýarlarynyń táýliktik qajettiligin qanaǵattandyrýǵa nemese sýarmaly aýdannyń bir birligine arnalǵan sýdyń eseptik mólsheri; 7) tutynýshy – menshiginde nemese ózge de zańdy negizde sýmen jabdyqtaý jáne sý burý júıeleri bar, sýmen jabdyqtaý jáne sý burý júıelerine qosylǵan jáne qyzmet kórsetýshiniń sýmen jabdyqtaý jáne sý burý jónindegi qyzmetterin shart negizinde paıdalanatyn jeke nemese zańdy tulǵa; 8) ózi aǵatyn sý qubyrynyń tolyq ótkizý qabilettiligi – bar eńistigi men 1,0 d (d – qubyrdyń ishki dıametri) teń tolǵan kezde jáne onyń táýligine qubyr boıynsha 24 saǵat boıy sý qozǵalysynyń jyldamdyǵy sekýndyna bir metr kezinde qubyr boıynsha burylatyn sarqyndy sý shyǵyny; 9) sý qubyrynyń tolyq ótkizý qabilettiligi – 1,0 d (d – qubyrdyń ishki dıametri) teń tolǵan kezde jáne onyń táýligine qubyr boıynsha 24 saǵat boıy sý qozǵalysynyń jyldamdyǵy sekýndyna eki metr kezindegi sý shyǵyny. 3. Sýmen jabdyqtaý jáne sý burý jóninde kórsetilgen qyzmettiń kólemi qyzmet kórsetýshi paıdalaný jaýapkershiligin bólý shekarasynda ornatylǵan jáne kommersııalyq esepke alýǵa qabyldanǵan esepteý quralynyń kórsetkishteri boıynsha anyqtalady. 4. Esepteý quraly bolmaǵan kezde, osy Ádistemede kózdelgen jaǵdaılardan basqa, kórsetilgen sýmen jabdyqtaý qyzmetiniń kólemi naqty eldi mekende bekitilgen sý tutyný normasy boıynsha esepteý arqyly anyqtalady. 5. Kórsetilgen sý burý qyzmetiniń kólemi, osy Ádistemede jáne Qazaqstan Respýblıkasynyń zańnamasynda kózdelgen jaǵdaılardan basqa, sýmen (ystyq, tehnıkalyq, aýyz sý), onyń ishinde shuńqyrǵa (septıkke) sarqyndy sýdy burý nemese oqshaý tazartý qurylystary kezinde sýmen jabdyqtaý qyzmetiniń kólemine teń qabyldanady. 6. Kommersııalyq esepke alýǵa qabyldanǵan aǵyndy sarqyndy sýdy esepteý quraly tutynýshyda bolǵan kezde kórsetilgen sý burý qyzmetiniń kólemi osy esepteý quralynyń kórsetkishi boıynsha anyqtalady. 7. Eldi mekenniń sýmen jabdyqtaý júıesine qosylmaǵan, sondaı-aq eldi mekenniń sý burý júıesine sarqyndy sýdy buratyn ár túrli sýmen jabdyqtaý kózderi bar tutynýshylarda sarqyndy sýdy esepteý quraly bolmaǵan jaǵdaıda, olarǵa kórsetilgen sý burý qyzmetiniń kólemi esepteý quralynyń kórsetkishi boıynsha nemese sý tutynýdy paıdalaný normasy boıynsha esepteý arqyly anyqtalady. 8. Qyzmet kórsetýshiniń ruqsaty boıynsha kezekti tekserýge, jóndeýge nemese aýystyrýǵa baılanysty esepteý quraly ýaqytsha bolmaǵan jaǵdaıda, kórsetilgen sýmen jabdyqtaý qyzmetiniń kólemi esepteý quraly bolmaǵan kezeń ishinde, biraq bir aıdan artyq emes, esepteý quralynyń kórsetkishterine sáıkes aldaǵy úsh aıdyń ortasha shyǵyny boıynsha anyqtalady. Atalǵan merzim ótken soń esepteý quraly bolmaǵan kezde kórsetilgen sýmen jabdyqtaý qyzmetiniń kólemi sý tutynýdy paıdalaný normasy boıynsha esepteý arqyly anyqtalady. 9. Ázirleýshi zaýyt belgilegen shektegi esepteý quralynyń qateligi sýmen jabdyqtaý jáne sý burý jóninde kórsetilgen qyzmettiń kólemin qaıta esepteý júrgizýge negizdeme bola almaıdy. 10. Sýdy kommersııalyq esepke alý úshin kommýnaldyq sharýashylyq salasyndaǵy ýákiletti organmen jáne qalalyq eldi mekenderde sýmen jabdyqtaý jáne sý burý júıesine obektilerdi qosýǵa arnalǵan tehnıkalyq sharttarda baıandalǵan tehnıkalyq talaptarmen bekitilgen Sýmen jabdyqtaý jáne sý burý júıelerinde kommersııalyq esepteý quralyn tańdaý, montajdaý jáne paıdalaný jónindegi ádistemelik nusqaýlarǵa sáıkes sezimtaldyǵy joǵary jáne naqtylyǵy barynsha joǵary klasty esepteý quraldary ornatylady. 11. Turǵyn úı qorynda órt sóndirýden basqa jaǵdaılarda, onyń kimge tıesili ekenine men menshik nysanyna qaramastan, tutynýshyda jáne tutynýshy bolyp tabylmaıtyn obektide órt sóndirýge, órt-taktıkalyq oqýlarǵa jáne gıdranttardy tekserýge eldi mekenniń sýmen jabdyqtaý júıesiniń sý shyǵynyn tutynýshy men obekt ıesi tóleýge tıis. 2. Ystyq sýmen jabdyqtaýdyń ashyq jáne jabyq júıelerinde kórsetilgen qyzmetterdiń kólemin esepke alý 12. Ystyq sýmen jabdyqtaý – bir nemese birneshe kásiporyn kórsetetin sýyq sýmen jabdyqtaý jáne sýdy qyzdyrý – ár túrli eki qyzmetten turatyn kúrdeli qyzmet. 13. Kóp páterli turǵyn úıdi ystyq sýmen jabdyqtaýdyń ashyq júıesi kezinde ystyq sý ystyq sýmen jabdyqtaýdyń ortalyqtandyrylǵan júıesinen kelip túsedi. Bu rette, úıge ortaq sýdy esepteý quraly ystyq jáne sýyq sýmen jabdyqtaýdyń kirmelerindegi paıdalaný jaýapkershiligin bólý shekarasynda ornatylady. 14. Ystyq sýmen jabdyqtaýdyń jabyq júıesi kezinde tutynýshyǵa sýyq sý aýyz sýmen jabdyqtaýdyń ortalyqtandyrylǵan júıesinen kelip túsedi jáne ǵımaratta eki qubyrǵa bólinedi: bireýi – sýyq sýmen jabdyqtaýdyń úı ishindegi taratý jelisine, ekinshisi – jergilikti sý ysytqysh arqyly ystyq sýmen jabdyqtaýdyń úı ishindegi taratý jelisine aǵady. Bul rette, úıge ortaq esepteý quraly sýyq sýmen jabdyqtaýdyń kirmesindegi paıdalaný jaýapkershiligin bólý shekarasynda ornatylady. 15. Qyzmet kórsetýshi, eger Qazaqstan Respýblıkasynyń zańnamasynda ózge kózdelmese, ózi kórsetetin qyzmet úshin ǵana aqy alýdy júrgizedi. 3. Kondomınıým qatysýshylaryna sýmen jabdyqtaý jáne sý burý qyzmetiniń kórsetilgen kólemin esepke alý 16. Tutynýshylarǵa – kondomınıým qatysýshylaryna sýmen jabdyqtaý qyzmetiniń kórsetilgen kólemi mynadaı tártipte anyqtalady: 1) jeke jáne úıge ortaq esepteý quraly bolmaǵanda – sý tutynýdy paıdalaný normalary boıynsha; 2) jeke esepteý quraly ishinara ornalastyrylǵanda jáne úıge ortaq esepteý quraly bolmaǵanda – jeke esepteý quralynyń kórsetkishteri jáne sý tutynýdy paıdalaný normalary boıynsha; 3) jeke esepteý quraly ishinara ornalastyrylǵanda jáne úıge ortaq esepteý quraly bolǵanda: esepteý quraly bolǵanda – jeke esepteý quraly boıynsha; esepteý quraly bolmaǵanda – sý tutynýdy paıdalaný normalary boıynsha. Úıge ortaq esepteý quralynyń kórsetkishteri men jeke esepteý quralynyń jıyntyq kórsetkishteri jáne sý tutynýdy paıdalaný normalary boıynsha eseptelgen kólemder arasyndaǵy aıyrmashylyqty páterler, qosa salynǵan jáne japsarlas turǵyn emes úı-jaılarynyń ıeleri (kondomınıým qatysýshylary) tutynǵan sý kólemine tepe-teń mólsherde tóleıdi; 4) 100 % jeke esepteý quraly jáne úıge ortaq esepteý quraly bolmaǵanda – jeke esepteý quralynyń kórsetkishteri boıynsha; 5) 100 % jeke esepteý quraly jáne úıge ortaq esepteý quraly bolǵanda – jeke esepteý quralynyń kórsetkishteri boıynsha. Úıge ortaq esepteý quralynyń kórsetkishteri men jeke esepteý quralynyń somalyq kórsetkishteri arasyndaǵy aıyrmashylyqty páterler, qosa salynǵan jáne japsarlas turǵyn emes úı-jaılarynyń ıeleri (kondomınıým qatysýshylary) tutynǵan sý kólemine tepe-teń mólsherde tóleıdi; 6) eldi mekenniń sý burý júıesine qosylǵan Tutynýshylardyń sarqyndy sý kólemi jiberilgen sý kólemine teń qabyldanady; 7) aǵyndysy shuńqyrǵa (septıkke) burylǵan jáne keıin ol tasylyp shyǵarylyp, eldi mekenniń sý burý júıesine aǵyzylatyn Tutynýshylardyń sarqyndy sý kólemi tutynylǵan sý kólemine teń qabyldanady. 17. Sýmen jabdyqtaýdyń ortalyqtandyrylǵan júıesinen bólek derbes kirmesi bar tutynýshylar – kondomınıýmǵa qatysýshylar úshin kórsetilgen sýmen jabdyqtaý qyzmetiniń kólemi jalpy tártipte anyqtalady. 18. Kondomınıým obektisin basqarý organy onyń qatysýshylarynyń jalpy jınalysynyń sheshimimen úıge ortaq esepteý quralynyń kórsetkishteri men onyń qatysýshylarynyń jeke esepteý quraldarynyń jıyntyq kórsetkishteri arasyndaǵy aıyrmashylyqty qyzmet kórsetýshige óz betinshe tóleýge quqyly. 19. Kondomınıým obektisin basqarý organy kondomınıým obektisine qatysýshylardyń jalpy jınalysynyń sheshimi negizinde tıisti quqyǵy bolǵanda úıge ortaq esepteý quraly kórsetkishteriniń negizinde qyzmet kórsetýshimen kórsetilgen sýmen jabdyqtaý jáne sý burý qyzmeti úshin eseptesý júrgizedi jáne qyzmet kórsetýshimen jasalǵan shart negizinde óz betinshe kondomınıým qatysýshylarynan tólem jarnalaryn jınaıdy. 4. Tutynýshylarǵa – jeke kásipkerler men zańdy tulǵalarǵa sýmen jabdyqtaý jáne sý burý qyzmetiniń kórsetilgen kólemin esepke alý 20. Esepteý quraly joq tutynýshylarǵa – zańdy tulǵalarǵa kórsetilgen qyzmettiń kólemi sýmen jabdyqtaý jáne sý burý qyzmetin kórsetýge shart jasasý kezinde qurastyrylǵan sý tutynýdy esepteý kólemi boıynsha anyqtalady. 21. Tutynýshylar – zańdy tulǵalar úshin sý burý qyzmetiniń kólemi: 1) sýmen jabdyqtaý jáne sý burý qyzmetin kórsetý shartyn jasasqan kezde qyzmet kórsetýshimen kelisilgen sý kólemi shyǵarylatyn ónimniń quramyna kirgen; 2) qyzmet kórsetýshimen tehnıkalyq sıpaty men kólemderi kelisilgen aınalmaly jáne qaıtalama sýmen jabdyqtaý júıesin qoldanǵan; 3) sýmen jabdyqtaý jáne sý burý qyzmetin kórsetý shartyna sáıkes jasyl jelekterdi sýarýǵa sýdy paıdalanǵan jaǵdaılarda birjola shyǵyndalǵan sý kólemine azaıady. 5. Jeke jaǵdaılarda sýmen jabdyqtaý jáne sý burý qyzmetiniń kórsetilgen kólemin esepke alý 22. Buzýshylyqtar anyqtalǵan kezde sýmen jabdyqtaý qyzmetiniń kórsetilgen kólemin esepteý: 1) esepteý quralynyń kórsetkishterin burmalaýshy buıymdardy aıqyndaǵan jaǵdaıda – sońǵy tekserý júrgizgen ýaqyttan bastap anyqtalǵan kúnge deıin kirme sý qubyrynyń tolyq ótkizý qabilettiligi boıynsha júrgiziledi, biraq eki aıdan artyq emes; 2) tutynýshynyń sýmen jabdyqtaý júıesinen ysyrap anyqtalǵan kezde, kirmede esepteý quralynyń bolmaýy nemese onyń aqaýlary bolǵanda – joıǵan kúnge deıin naqty ýaqyt boıy kirme sý qubyrynyń tolyq ótkizý qabilettiligi boıynsha júrgiziledi. Eger ysyrap bastalǵan kúndi anyqtaý múmkin bolmasa – sońǵy tekserý júrgizgen ýaqyttan bastap, biraq eki aıdan artyq emes; 3) esepteý quralyn tekserý úshin qyzmet kórsetýshiniń laýazymdy adamyn tutynýshy (onyń ókilderi) jibermegen kezde – sońǵy tekserý júrgizgen ýaqyttan bastap jibergenge deıin esepteý quraly ornatylǵan sý qubyrynyń tolyq ótkizý qabilettiligi boıynsha júrgiziledi; 4) tutynýshynyń esepteý quralynda jáne/nemese sý ólsheýish torabynyń aınalma syzyǵynda (japqysh jabdyqta), órt sóndirý gıdranttarynda plombalardyń julynýy anyqtalǵanda – sý ólsheýish torabyn nemese sý ólsheýish torabyn sońǵy tekserý júrgizgen ýaqyttan bastap qyzmet kórsetýshiniń ókili qaıta plombalaǵanǵa deıin kirme sý qubyrynyń tolyq ótkizý qabilettiligi boıynsha júrgiziledi, biraq eki aıdan artyq emes; 5) tutynýshy nemese onyń ókili esepteý quralyn ornatýǵa negizsiz kedergi keltirgende – bóget bolǵan sátten bastap qyzmet kórsetýshiniń ókili plombalaǵanǵa deıin esepteý quraly ornatylǵan sý qubyrynyń tolyq ótkizý qabilettiligi boıynsha júrgiziledi; Tutynýshy nemese onyń ókili esepteý quralyn ornatýǵa negizsiz kedergi keltirgeni týraly qyzmet kórsetýshiniń ókili tıisti akti jasaıdy, oǵan eki tarap qol qoıady. Tutynýshy nemese onyń ókili qol qoıýdan bas tartqan jaǵdaıda, aktige qyzmet kórsetýshiniń ókili jáne sý qoryn paıdalaný jáne qorǵaý, sýmen jabdyqtaý, sý burý salasynda óńirlik organynyń ókili ne qorshaǵan ortany qorǵaý salasynda aýmaqtyq organynyń ókili, ne memlekettik sanıtarlyq-epıdemıologııalyq qadaǵalaý organynyń ókili, ne kondomınıým obektisin basqarý organynyń ókili qol qoıady; 6) qyzmet kórsetýshige esepteý quralynyń aqaýlary týraly habarlamaǵan kezde – sońǵy tekserý júrgizgen ýaqyttan bastap aqaýlar anyqtalǵan kezge deıin sý qubyrynyń tolyq ótkizý qabilettiligi boıynsha júrgiziledi, biraq eki aıdan artyq emes; 7) sýmen jabdyqtaý jáne sý burý qyzmetin kórsetý jóninde qyzmet kórsetýshimen shart jasaspaı eldi mekenniń (qyzmet kórsetýshiniń) sýmen jabdyqtaý jelilerinen sý paıdalaný faktisi anyqtalǵanda – kirmege óz betimen qosylyp, naqty paıdalanǵan ýaqyttan bastap anyqtalǵan kezge deıin sý qubyrynyń tolyq ótkizý qabilettiligi boıynsha júrgiziledi, biraq eki aıdan artyq emes; 8) órt sóndirý jaǵdaılarynan basqa, órtke qarsy júıelerinen sý paıdalaný faktisi anyqtalǵanda – óz betimen paıdalanǵan ýaqyttan bastap anyqtalǵan kezge deıin óz betimen paıdalaný júzege asyrylǵan órt krany nemese gıdrant aldyndaǵy deıin sý qubyrynyń tolyq ótkizý qabilettiligi boıynsha júrgiziledi, biraq eki aıdan artyq emes; 9) tutynýshynyń sýmen jabdyqtaý júıesine qosylǵan sý qubyry arqyly sýarý faktisi anyqtalǵanda, kirmede esepteý quralynyń bolmaýy nemese onyń aqaýlary bolǵanda – sońǵy tekserý júrgizgen ýaqyttan bastap mundaı sý qubyrynyń tolyq ótkizý qabilettiligi boıynsha júrgiziledi, biraq bir aıdan artyq emes; 10) sýdyń tógile turaqty aǵý faktisi anyqtalǵanda, kirmede esepteý quralynyń bolmaýy nemese onyń aqaýlary bolǵanda – sońǵy tekserý júrgizgen ýaqyttan bastap sý jetkizetin qubyrdyń tolyq ótkizý qabilettiligi boıynsha júrgiziledi, biraq bir aıdan artyq emes. 23. Osy Ádistemeniń 22-tarmaǵyndaa kórsetilgen buzýshylyqtar anyqtalǵan kezde sý burý qyzmetiniń kólemin esepteý, 22-tarmaqtyń 2) jáne 9) tarmaqshalarynan basqa, eger sý burý qyzmetiniń kólemi eseptelmese, sýmen jabdyqtaý qyzmetiniń eseptelgen kólemine teń qabyldanady. 24. Qyzmet kórsetýshiniń sýmen jabdyqtaý júıesine qosylmaǵan tutynýshy sý burý júıesine aǵyzatyn sarqyndy sý kólemin esepteýge qajetti derekter usynbaǵan jaǵdaıda, kórsetilgen sý burý qyzmetiniń kólemi naqty paıdalanǵan ýaqyt kezeńi úshin eldi mekenniń sý burý júıesine qosylǵan jerde ózi aǵatyn sý qubyrynyń tolyq ótkizý qabilettiligi boıynsha anyqtalady. 25. Tutynýshynyń aýmaqtarynan, ónerkásip jáne qurylys alańdarynan eldi mekenniń sý burý júıesine betki sarqyn sýlardy aǵyzý faktisi anyqtalǵanda sý burý qyzmetiniń kólemi sońǵy tekserý júrgizgen ýaqyttan bastap ózi aǵatyn sý qubyrynyń tolyq ótkizý qabilettiligi boıynsha anyqtalady, biraq bir aıdan artyq emes. 26. Batyrylatyn sorǵylar jáne basqa aıdaý qurylǵylaryn paıdalanyp, eldi mekenniń sý burý júıesine nóser, tasqyn, topyraq sýlaryn aǵyzý faktisi anyqtalǵanda sý burý qyzmetiniń kórsetilgen kólemi sońǵy tekserý júrgizgen ýaqyttan bastap sorǵy ne aıdaý qurylǵysy táýligine 24 saǵat boıy jumys istegende olardyń shlangasynyń tolyq ónimdiligi boıynsha anyqtalady, biraq bir aıdan artyq emes. Buıryq Qazaqstan Respýblıkasynyń Ádilet mınıstrliginde 2011 jylǵy 17 qazandaǵy Normatıvtik-quqyqtyq kesimderdi memlekettik tirkeýdiń tizilimine №7257 bolyp engizildi.