Osyǵan oraı, Mańǵystaý oblysynyń ákimi E.L.Toǵjanov, sonymen qatar, oblys ákiminiń orynbasarlary, memlekettik mekeme basshylary, qala ardagerleri, belsendi jastar men BAQ ókilderi aldynda Aqtaý qalasynyń ákimi Ǵ.M.Nııazov áleýmettik damý boıynsha «Aqtaý Serpini» atty jańa jobany tanystyrdy.
Joba maqsaty – qala turǵyndarynyń ómir sapasyn zaman talaptaryna saı jaqsartý, turaqty ekonomıkalyq damý, básekege qabilettilikti qamtamasyz etý.
Atalǵan joba negizgi 4 strategııalyq baǵytqa basymdyq berip otyr.
Birinshi, adamı kapıtaldy damytý. Sonyń ishinde: bilim berý, densaýlyq saqtaý, dene shynyqtyrý jáne sport salalaryn jaqsartý;
Ekinshi, qalada tirshilik etý ortasyn sapalyq turǵydan jaqsartý. Transport, turǵyn úı problemalaryn sheshý. Aýmaqtardy jáne ınfraqurylymdardy damytý.
Úshinshi, qalanyń básekelestik múmkindikterin paıdalaný. Innovasııalyq tehnologııalardy, jańa óndiris oryndaryn engizý.
Tórtinshi, «Aqyldy qala» elementterin engizý, qaıyrymdylyqty qoldaý, memlekettik qyzmetterdiń sapasyn jaqsartý arqyly basqarýdyń tıimdiligin arttyrý.
Oblys ákimi óz sózinde Aqtaý men oblystaǵy barlyq jańa jobany Elbasy Nursultan Nazarbaevtyń jańa joldaýynda aıtylǵan baǵyttarǵa sáıkes qarastyrý kerektigin aıtty.
Elbasy Nursulta Nazarbaev «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda ındýstrııalandyrý jańa tehnologııalardy engizýdiń kóshbasshysyna aınaldyrý, resýrstyq áleýetti odan ári damytý.
«Aqyldy tehnologııalar» – agroónerkásip keshenin qarqyndy damytý,
kólik-logıstıka ınfraqurylymynyń tıimdiligin arttyrý, qurylysqa jáne kommýnaldyq sektorǵa zamanaýı tehnologııalardy engizý,
qarjy sektoryn «qaıta jańǵyrtý», adamı kapıtal – jańǵyrý negizi, tıimdi memlekettik basqarý, jemqorlyqpen kúres jáne zańnyń ústemdigi,
«Aqyldy qalalar» «aqyldy ult» úshin sekildi birneshe naqty baǵytty atap ótti.
Bul 10 baǵyttyń bári de Aqtaý qalasyna tikeleı qatysty. Elimizdiń saıası turaqtylyǵy men jalpy qoǵamdyq kelisimdik baǵytyn odan ári nyǵaıtý úshin, sóz joq, aldymen ekonomıkalyq máseleler men qazirgi qoǵamdaǵy naqty áleýmettik suraqtardy birge qarastyryp sheshýimiz qajet. Osyǵan baılanysty qala ákimine birneshe tapsyrma júkteldi. Qalanyń bas josparyn qaıta qarastyrýy kerek», - dedi oblys ákimi Eraly Toǵjanov.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
