Qaırat Mámı: Damýdyń údemeliligin qamtamasyz etetin Joldaý

Onda Tórtinshi óner­ká­siptik revolıýsııa dáýirinde qazirgi zamanǵy trendtermen sharttalǵan tynys-tirshiliktiń barlyq salalaryn damytýdyń ózekti máseleleri qamtylǵan. 

Joldaýdyń kóptegen ıdeıa­lary ótken jyly ótkizilgen konstıtýsııalyq reformanyń erejelerimen sabaqtasady jáne olardyń odan ári iske asyrylýy bir-birin ózara tolyqtyryp otyratyn bolady. 

Prezıdent memlekettik jáne ózge de qu­ry­lymdardy shoǵyrlandyrýy tıis on sheshýshi mindetti belgiledi. Bul: agroónerkásip ke­shenin, qurylys pen kommýnaldyq sektordy keńinen ındýstrııalandyrý jáne jańǵyrtý, kólik-logıstıkalyq ınfraqurylymnyń, qarjy sektoryn «qaıta júkteýdiń» tıim­diligin arttyrý, adam kapıtalyn damytý, memlekettik basqarýdyń tıimdiligin qam­ta­masyz etý, aýqymdy sıfrlandyrý jumys­tary jáne t.b. 
Quqyq aıasynda azamat­tar­dyń kons­tı­týsııalyq quqyq­tary kepildikterin odan ári nyǵaıtý, jer-jerlerde zańnyń ústemdigi qaǵıdattaryn bekitý boıynsha jumystardy odan ári jalǵastyrýǵa degen Memleket basshysynyń tapsyrmasyn erekshe atap ótkim keledi. Sybaılas jemqorlyqqa qarsy kúres aıasynda preventıvti sharalar qa­byl­daý qajettigine nazar aýdaryl­dy, ol óte ma­ńyzdy. Quqyq qor­ǵaý qyz­meti, ádettegideı izgilen­dirý, qo­ǵamdyq tártip pen qaýip­siz­dikti qam­tamasyz etýdiń zııat­ker­lik jú­ıe­sin engizý, atap aıtqan­da, kó­she­­lerde jáne adamdar kóp jı­na­­la­tyn oryndarda beı­ne­baqylaý men taný, jol qozǵa­lysyn ba­­qy­­laý baǵytynda damı beretin bolady. 

Memleket basshysynyń Joldaýy bıylǵy 10 qańtarda Konstıtýsııalyq Keńestiń arnaıy otyrysynda talqylandy. Biz eldegi konstıtýsııalyq zańdylyqtyń jaı-kúıi týraly Konstıtýsııalyq Keńestiń jyl saıynǵy joldaýynyń jobasyn da­ıyndaý jónindegi jumysty bastadyq, ol ekinshi toqsannyń sońynda Parlament palatalarynyń birlesken otyrysynda jarııalanatyn bolady. Biz onda Elbasy tapsyrmasyn iske asyrý boıynsha, ásirese adamnyń jáne azamattyń kons­tıtýsııalyq quqyqtary men bostandyqtaryn qorǵaý máse­le­leri bo­ıynsha naqty usynystar beremiz.
Barshańyzdy Qazaqstan Pre­zıdentiniń Joldaýyn nası­hat­taýǵa jáne iske asyrýǵa bel­sendi túrde atsalysýǵa sha­qy­ramyz. Konstıtýsııalyq Keńes óz ókilettigi sheginde ony oryndaý úshin bar kúshin salatyn bolady.

Qaırat MÁMI,
Konstıtýsııalyq Keńes tóraǵasy