Elbasynyń ınnovasııalyq tehnologııany birinshi orynǵa qoıýynyń óz sebebi bar. Damyǵan jańa tehnologııany qoldanýǵa úndep otyr. Elimizde birqatar ónerkásiptik kásiporyndaryn sıfrlandyrýdy qanatqaqty joba retinde iske asyryp, bul tájirıbeni keńinen taratý kerek ekenine toqtaldy.
Joldaýdyń taǵy bir mańyzdy tusy retinde naqty sektordyń jańa tehnologııalarǵa degen suranysyn yntalandyrýdy jáne venchýrlyq qarjylandyrýdyń jeke naryǵynyń qyzmeti jónindegi naqty tapsyrmalardy aıtýǵa bolady. Ǵalymdar, mamandar túrli jańalyq usynyp, al olarǵa bıznesten suranys bolmasa, onda jańalyqtardyń paıdasy shamaly. Sondyqtan memleket tarapynan túrli qoldaýdy engizsek bıznes salasy da soǵan múddelilik tanytady. Iаǵnı osy arqyly kásipkerlikti jańa tehnologııaǵa ıtermeleımiz.
Elbasy Joldaýda jasyl tehnologııaǵa da toqtaldy. Osy salaǵa ınvestısııa salý úshin bıznesti yntalandyrý jóninde tapsyrma berdi. Menińshe, bul eń áýeli aýyl sharýashylyǵyna tikeleı kómektesedi. Bir mysal keltireıin. Kórshi memleketterge barǵanda ondaǵy turǵyndardyń Qazaqstannan shyqqan aýylsharýashylyq ónimderin sapaly sanaıtynyn baıqadym. Osy oraıda, ónimderdiń tazalyǵyn ulttyq brend retinde utymdy paıdalanyp, jasyl tehnologııany muqııat túrde aýyl sharýashylyǵymen ıntegrasııalaǵanymyz jón.
Qazirgi tańda álemdi tolǵandyryp otyrǵan másele – qoqysty tıimdi paıdalaný. Mundaı másele bizdiń elde de bar. О́ńirlerde polıetılen paketterdiń shashylyp jatqanyna kýá bolyp júrmiz. Taıaýda Energetıka mınıstri Qanat Bozymbaev kezeń-kezeńimen ondaı paketterden bas tartatynymyzdy málimdedi. Jalpy, másele polıetılen paketine ǵana qatysty emes. Elimizde túrli salalardan qalatyn qoqystar jeterlik. Solardy tıimdi jumsaý mańyzdy másele. Osy turǵydan alǵanda, Joldaýdyń jasyl tehnologııaǵa qatysty tarmaǵynyń mańyzy erekshe.
Joldaýdan aýyl sharýashylyǵyna aqyldy tehnologııalardy paıdalaný qajettigi jóninde oqyp qatty qýandym. Biz áli kúnge Keńes Odaǵynan qalǵan tehnologııalardy paıdalana otyryp jumys isteımiz. Alaıda damyǵan elderdegi agrotehnologııa salasy áldeqaıda ozyp ketken. Sondyqtan Elbasy aıtqandaı, jańa tehnologııalardy transfertteý arqyly aýyl sharýashylyǵyn jańa deńgeıge kóteremiz.
Azat PERÝAShEV,
Parlament Májilisiniń depýtaty
