– «Indýstrııalandyrý jańa tehnologııalardy engizýdiń kóshbasshysyna aınalýy tıis» dep atap kórsetti Elbasymyz. Bul baǵyttaǵy jumysty Ońtústik Qazaqstan oblysy barynsha jedeldetetin bolady. О́ńirimizde 11 ındýstrııalyq aımaq pen 1 arnaıy ekonomıkalyq aımaqtyń áleýetin barynsha tıimdi júzege asyrýymyz kerek. 2017 jyly ındýstrııalyq aımaqtardy damytýda 9,4 mlrd teńgeni quraıtyn 13 joba júzege asty. Endi bul baǵyttaǵy jumystardy odan ári jetildirýge mindettimiz. Búginde qoldanystaǵy kásiporyndarda jańa sıfrly tehnologııalar engizilip, óndirister damýda. Máselen, óndiriste zamanaýı tehnologııany paıdalaný arqyly atmosferaǵa ketetin zalaldy tómendetip, óndiris sıklynyń ýaqyty men energııa shyǵynyn azaıtqan durys. Bul ónimdilikti eselep, arttyrady degen sóz.
Elbasynyń ekinshi qoıyp otyrǵan mindeti – «Resýrstyq áleýetti odan ári damytý». Prezıdent bul salada tabıǵı resýrstardy tıimdi paıdalanyp, energııa kózderin tabý men únemdeýge úndep otyr. О́ńirimizde bul baǵytta da jumystar EKSPO-2017 halyqaralyq kórmesinen keıin belsendi túrde qolǵa alynǵanyn bilesizder. О́tken jyldyń ózinde Saıram, Qazyǵurt aýdandarynda gıdroelektr stansalary iske qosyldy. Sonymen birge Shymkent qalasynda káriz sý qaldyqtarynan bıogaz alatyn Ortalyq Azııada balamasy joq keshen paıdalanýǵa berildi. Munyń bári memlekettiń qoldaýy arqasynda júzege asyp otyr. Qazirgi ýaqytta oblysymyzdyń birneshe aýdandarynda shetel ınvestorlarymen birlesip kúnnen elektr energııasyn óndiretin nysandardyń qurylysy júrgizilýde. Jasyl ekonomıkany damytý boıynsha oblysta júzege asyrylatyn 26 joba endi jańa baǵytta qarqyn alatyn bolady, – dedi oblys ákimi.
Joldaýdaǵy úshinshi mindet «Aqyldy tehnologııalar» – agroónerkásip keshenin qarqyndy damytý múmkindigi» bolyp otyrǵanyn aıtqan oblys ákimi agrarlyq aımaq Ońtústik Qazaqstan elimiz boıynsha aýyl sharýashylyǵy salasynda ozyq tehnologııalardy qoldanýda kósh basynda turǵanyn atap ótti.
Máselen, tamshylatyp sýarý ádisi 7,5 myń gektar jerge endirilip, jalpy kólemi 58,5 myń gektarǵa jetti. Bul respýblıkalyq úlestiń 72 paıyzyn qurap otyr. Al qarqyndy baýdyń kólemi 2,8 myń gektarǵa jetip otyr. Intensıvti baq, tamshylatyp sýarý, jylyjaılar baǵyttarynda ozyq tehnologııalar engizý arqyly ónimdiliktiń joǵary deńgeıine jetip otyrmyz. Bıyl da jańa tehnologııalar engizý boıynsha jumystar júıeli túrde atqarylatyn bolady. Al Memleket basshysy aıtqan tórtinshi baǵyt, ıaǵnı kólik-logıstıka ınfraqurylymynyń tıimdiligin arttyrý boıynsha bergen mindettemesin júzege asyrýda Ońtústiktiń múmkindigi mol ekeni ózderińizge aıan. Máselen, «Jańa ındýstrııalandyrý: qazaqstandyq barystyń qadamy» jalpyulttyq telekópir barysynda Shymkent qalasynda ornalasqan kólik-logıstıkalyq ortalyǵynda A+ sanatyndaǵy keshen iske qosylǵan bolatyn. «Batys Eýropa – Batys Qytaı» magıstrali men temir jol jelisine jaqyn ornalasqan jańa kólik-logıstıkalyq ortalyqtyń geografııalyq turǵydan tıimdi ornalasýynda. Bul óńirdi kólik-logıstıkalyq hab retinde qalyptastyrýǵa jáne Qazaqstan aýmaǵy arqyly aınalymdy ulǵaıtýǵa yqpal etedi. Qazirgi kezde jalpy aýmaǵy 92 gektardy quraıtyn «Ońtústik» kólik-logıstıkalyq ortalyǵynda ınvestısııa quny 35,6 mlrd teńge bolatyn 8 joba júzege asyrylýda. Aýmaǵy 242 500 sharshy metrdi quraıdy. Munda kedendik resimdeý, fıtosanıtarlyq jáne veterınarlyq baqylaý qyzmetteri «bir tereze» qaǵıdatymen júrgizilse, buǵan qosa ýaqytsha saqtaý qyzmeti de qarastyrylǵan, dedi ákim.
Qazaqstandyqtardyń eń ózekti áleýmettik problemasy – baspana. Sondyqtan da Elbasy óziniń Joldaýynda turǵyn úı qurylysy salasyna erekshe nazar aýdaryp otyr. J.Túımebaev bıyl Ońtústikte 245 kóp qabatty turǵyn úıdiń qurylysy júrzilip, onyń 91-i, ıaǵnı 4 733 páter paıdalanýǵa berilgenin jetkizdi. Sondaı-aq ákim ótken jyly bastalǵan 154 kóp qabatty turǵyn úıdiń qurylysynan bólek, osy jyly taǵy da 100 kóp qabatty úı salyna bastaıtynyn aıtty.
Damýdyń 10 baǵytyn aıqyndaǵan Elbasy Joldaýy jańa maqsattarǵa jeteleıtin eń basty qujat bolyp tabylatynyn jetkizgen óńir basshysy saıası qujatty túsindirý jáne nasıhattaý jumystary boıynsha jelilik keste, medıa-jospar jasaýdy tapsyrdy. Sonymen qatar ákim barlyq deńgeıdegi ákimder men halyq qalaýlylaryn, ardagerler jáne qoǵamdyq uıymdar men sala belsendilerin halyq arasynda nasıhattaý jumystaryna, negizgi basymdyqtarynyń joǵary deńgeıde júzege asyrylýyna belsendi atsalysýǵa shaqyrdy.
Baqtııar TAIJAN,
«Egemen Qazaqstan»
Ońtústik Qazaqstan oblysy
