Jekeshelendirý jón-josyqsyz jasalmasyn

О́kinishke qaraı bizdiń qaýpi­miz shynǵa aınaldy. Máse­len, qyr­kúıek aıynda Pavlo­dar qala­synda oblystyq dıag­nos­tıka­­lyq ortalyq pen eki em­hana satý­ǵa qoıyldy. Dıag­nostı­ka­lyq ortalyqtyń bastapqy baǵa­sy – 557 mln №1 emhananyń bastap­­qy baǵasy – 224 mln jáne №2 emha­nanyń bastapqy baǵasy 347 mln teńge dep kórsetildi. Satý barysynda dıag­nos­tıka­lyq orta­lyq bastap­qy b­aǵa­dan arzandaty­lyp, tek 315 mln teń­gege satyldy. Bul baǵa frak­sııa depýtattarynyń alań­daýshylyǵyn týdyryp otyr. О́ıtkeni BAQ habarlaryna qa­ra­ǵanda 7104 sharshy metr bola­tyn ortalyqtaǵy ǵımarattyń aýmaǵy ǵana mıllıard teńgeden (oblys ortalyǵyndaǵy ortasha baǵa 1 sharshy metrge 155 myń teńge) asyp otyr. Onyń ústine ortalyqtaǵy óte sapa­ly magnıtti-rezonanstyq tomograf, rentgen apparaty, sıfr­ly júıesi bar ÝDZ, baýyrǵa fıbroskaner jasaı alatyn apparat, mammograf jáne t.b. baǵasynyń ózi 500 mln teńgeden asyp ketedi. Osy­lar­dy eskere otyryp tal­dasaq, dıagnostıkalyq or­talyq óz baǵa­synan 5 ese arzanǵa satyl­ǵan. Budan kim utty?

Memlekettik múlikti bas­qarý jónindegi komıtettiń veb-por­t­alynda basqa da mańyzdy mem­lekettik meke­melerdi satý tý­raly habarlandyrý ilingen. So­nyń ishinde «Qazaqtyń kóz aýrý­lary ınstıtýtynyń ǵy­ly­mı-zertteý ınstıtýty», «Jar­­bo­synov atyndaǵy ýrolo­gııa ǵylymı ortalyǵy» jáne t.b. bar. Biz bulardyń da ba­ǵa­­sy tó­men­dep kete me dep qaýip­tenemiz.

Atalǵan komıtettiń derek­terine qaraǵanda, respýb­lı­kalyq menshikte turatyn «Ulttyq kardıologııa ǵylymı ortalyǵy» AQ pen «Ulttyq neırohırýr­gııa ǵylymı ortalyǵy» AQ-ty 2018 jyl­dyń mamyr aıy­na satý belgi­len­gen. Eger birinshi aýksıonda alýshy tabylmasa, bulardyń baǵalary da eki esege deıin tómendetilýi múmkin. Sonda barynsha qymbat dúnıelerimizdi óz baǵasynan eki, keıde tipti odan da kóp somaǵa arzandatqannan ne utamyz? Naqty qarajaty bar alýshy tabylmasa satýdy ke­ıin­g­e qal­dyrýǵa nege bolmaıdy? Qazir­gi jekeshelendirý bu­rynǵy ju­mysty júrgizý úshin amalsyz satý emes qoı. Mem­leket jyl saıyn den­saý­lyq saqtaý salasyna 1 trln-nan artyq qarajat bó­ledi, qanshama qym­bat qural-jab­dyqtar alady. So­­nyń bári esepke alynbaı, je­ke­men­shik­tiń qolyna arzanǵa ke­tip jatqany janyńdy aýyr­ta­dy. Al eger memleket aıaq as­ty­nan medısınalyq hol­dıng­ter qur­ǵy­sy kelse atal­­ǵan nysandardy qaıtadan satyp alady, biraq bul joly tolyq baǵasyn tóleıtini sózsiz.

Osy máselelerge jany­myz ashy­ǵandyqtan biz Premer-Mınıstrdiń orynbasary Er­bo­­lat Do­saevqa depýtattyq saýal jol­­dap, tómendegi talaptardy qoıdyq:

1. Densaýlyq saqtaý nysandaryn jekeshelendirýdiń naqty baǵdarlamasy jasalyp, onda satýdyń sharttary aıtylyp, memleket pen qo­ǵamǵa tıgizetin paıdasy atap kór­setilsin;

2. Osy baǵdarlama daıyn bol­ǵansha jekeshelendirý pro­sesin toqtata turý qajet;

3. Tıisti organdarǵa Pavlo­dardaǵy dıagnostıkalyq orta­lyqtyń 5 ese arzanǵa saty­lýy­nyń zańdylyǵy tekserilsin.

Danııa ESPAEVA,

Májilis depýtaty