Demokratııalyq kúshterdiń «Qazaqstan-2050» jalpyulttyq koalısııasynyń Úndeýi

Qurmetti qazaqstandyqtar!

Bizdiń elimiz tereń jáne júıeli ózgerister dáýirine ótti.

Biz Qazaqstannyń jan-jaqty jańǵyrýynyń úshinshi keze­ńin jetistikpen bastadyq. Mem­le­kettik basqarýdyń jalpy júıe­siniń neǵurlym tıimdi ári úıles­tiril­gen jumysy jáne elimizdiń aldaǵy kóptegen jyldarǵa damýy úshin qýatty áleýetti qurǵan kons­tıtýsııalyq reforma ótkizildi.

Qazaqstannyń jańa – Tórtinshi ónerkásiptik revolıýsııa áleminde ındýstrııalyq-ınnovasııalyq damýy men jedeldetip tehnologııalyq jańǵyrýyna negizdelgen jańa ekonomıkalyq úlgige ótýi úshin myqty negiz qalandy.

Elimizde ulttyq sanany jań­ǵyrtýdyń prosesteri keńinen bas­taldy.

Qazaqstan Respýblıkasynyń Tuń­ǵysh Prezıdenti Nursultan Ábishuly Nazarbaevtyń kóregen basshy­lyǵymen biz jetistigi mol memleket qurdyq. Táýelsiz Qazaq­stan álemniń eń bedeldi memleket­teri men neǵurlym turaqty ekono­mı­­kalarynyń qataryna kiredi. Elimiz ósim jáne jasampazdyq jolymen damyp keledi.

Prezıdenttiń «Tórtinshi ónerká­siptik revolıýsııa jaǵdaıyn­daǵy damýdyń jańa múmkindikteri» atty Qazaqstan halqyna Joldaýy elimizdiń odan ári jańǵyrýy men jańa álemniń kóshbasshylary qataryna qosylýy jónindegi Elbasymyzdyń strategııalyq bastamalarynyń tikeleı jalǵasy bolyp tabylady.

Joldaýdyń on túsinikti jáne naq­ty mindetteri 4.0 jańa tehno­lo­gııa­lyq qalyptyń bar­lyq artyqshylyqtaryn paıdalana­tyn qaǵıdatty túrde jańa ekonomı­kalyq úlgige ótý boıynsha naqty is-qımyldar baǵdarlamasyn qalyptastyrady.

Biz Joldaý mindetterin iske asyrý óndiristiń qaǵıdatty túrde jańa salalaryn jáne tehnologııalaryn jasaýdy, Qazaqstannyń ulttyq óniminiń jáne ekonomıkasynyń básekege qabilettiliginiń ósýin qamtamasyz etetinine nyq senemiz.

Indýstrııalandyrý jańa tehnologııalardy engizýdiń flagmany bolýy qajet. Biz qazaqstandyq kásiporyndardy jańǵyrtý men sıfr­landyrýdy jedeldetip ótkizip, tehnologııalar transfertin yntalandyrýymyz qajet. Biz ekonomıkanyń óńdeýshi sektorlarynyń ónimin jáne joǵary qosylǵan quny bar taýarlardyń eksportyn qoldaıtyn bolamyz.

Jańǵyrtý resýrstyq áleýettiń odan ári damýyn kózdeıdi. Biz elimizde balamaly energııanyń belsendi engizilýi men onyń úlesin 2030 jylǵa qaraı Qazaqstanda 30%-ǵa deıin jetkizilýin qoldaımyz.

Biz agroónerkásiptik keshen ekonomıkalyq ósimniń draıveri bolyp tabylatynyna kóz jetkizdik. Qazirgi zamanǵy ozat tehnologııalar barlyq jerlerdegi agroónerkásiptik keshenderde engizilýi tıis. Bul bes jyl ishinde eńbek ónimdiligin arttyryp, óńdelgen aýylsharýashy­lyq óniminiń eksportyn 2,5 esege ósirýge múmkindik beredi. «Qazaqstanda jasalǵan» brend álemde tanymal bolýy qajet.

Biz Joldaýdyń kóliktik-logıs­tıkalyq ınfraqurylymnyń tıim­diligin arttyrý úshin aq­pa­rattyq tehnologııalardy belsendi engizý jáne sıfrlandyrý týraly erejesin tolyǵymen qoldaımyz. Bul 2020 jylǵa qaraı tranzıtten túsken jyl saıynǵy kiristerdi 5 mlrd dollarǵa deıin jetkizýge múmkindik beredi.

Qazirgi zamanǵy tehnologııalardy engizý qurylys pen kommýnaldyq sektordy sapaly jańa deńgeıge kóterýge jol ashady. 2030 jylǵa qaraı bir turǵyndy turǵyn úımen qam­ta­masyz etý 30 sharshy metrge deıin jetedi.

Biz Memleket basshysynyń bank júıesin odan ári nyǵaıtý, ınves­tısııalyq ahýaldy jaqsartý jáne qor naryǵyn damytý týraly ustanymyn tolyǵymen qoldaımyz. Qarjy sektoryn «qaıta júkteý» Qazaqstannyń ekonomıkasyn jetistikpen jańǵyr­týdyń mańyzdy faktoryna aınalady.

Joldaý memleket resýrstary men el damýynyń áleýmettik-ekonomı­kalyq jaǵdaılaryn eskere otyryp, halyqtyń ómir sapasynyń joǵa­ry standartyn qamtamasyz etýge baǵyttalǵan.

Jańǵyrtý, qazirgi zamanǵy tehnologııalar men ınnovasııalar qazaqstandyqtarǵa bilim berýdiń jáne densaýlyǵyn saqtaýdyń sapaly jańa deńgeıin talap etedi. Biz Elbasymyzdyń bilim berý jáne densaýlyq saqtaý salalaryndaǵy bastamalaryn tolyǵymen qoldaımyz jáne olardyń ýaqtyly bolýy men nátıjeliligine nyq senemiz.

Memleket basshysy halyqty áleýmettik qoldaýdyń teńdesi joq sharalaryn usynady. 2018 jyly áleýmettik salaǵa shyǵystar 12%-ǵa artyp, 4,1 trln teńgeden asty. 2018 jylǵy 1 shildeden bastap bazalyq zeınetaqy orta shamamen 1,8 ese ósedi. Jalpy alǵanda, muǵalimderdiń jalaqysy 30-dan 50%-ǵa deıin kóbeıedi.

Joldaýda memlekettik basqarý tıimdiligin arttyrý jáne sybaılas jemqorlyqqa qarsy kúres bo­ıynsha usynylyp otyrǵan sharalar elimizdiń ońtaıly ımıdjin qalyptastyryp qana qoımaı, sonymen birge kásipkerler úshin básekelestikke qabilettiligin arttyrýǵa, ónimderdiń ózindik qunyn tómendetýge jáne shyǵyn­daryn qysqartýǵa yqpal etedi. Elbasymyz atap kórsetkendeı, sybaılas jemqorlyqqa qarsy is-qımyl boıynsha qoıǵan mindetterge qol jetkizý árbir qazaqstandyqtyń bel­sendi qatysýyna baılanysty.

Biz Prezıdentimizdiń qazirgi zaman­ǵy qalalardyń ınfraqurylymyn basqarý men qyzmet kórsetý júıesine zamanaýı tehnologııalardy engizý jáne sıfrlandyrý jónindegi bas­tamalaryn tolyǵymen qoldaımyz. «Aqyldy qalalar» Qazaqstannyń naqty ahýalyna aınalady.

Biz, Demokratııalyq kúshterdiń «Qazaqstan-2050» jalpyulttyq koalısııasynyń músheleri barlyq­tary­ńyzdy jáne árqaısyńyzdy Elba­symyzdyń bastamalaryn qoldap, olardy iske asyrýǵa belsendi qatysyp, damyǵan Qazaqstandy birge qurýǵa shaqyramyz!

«Nur Otan» partııasy, «Aq jol» demokratııalyq partııasy, «Aýyl» halyqtyq-demokratııalyq partııasy, Qazaqstan Kommýnıstik halyqtyq partııasy, «Birlik» saıası partııasy, Qazaqstan kásipkerleriniń «Atameken» ulttyq palatasy, «Ardagerler uıymy» respýblıkalyq qoǵamdyq birlestigi, «Respýblıkalyq áıelder keńesi» qoǵamdyq birlestigi, «Qazaqstan Respýblıkasynyń kásipodaqtar federasııasy» respýblıkalyq kásipodaqtar birlestigi, «Qazaqstan Respýblıkasynyń Ulttyq ǵylym akademııasy» respýblıkalyq qoǵamdyq birlestigi, «Qazaqstannyń azamattyq alıansy» zańdy tulǵalar birlestigi, «Qazaqstan Respýblıkasy Qarýly Kúshteriniń ardagerleri» respýblıkalyq qoǵamdyq birlestigi, «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi, «Qazaqstan kásipkerleri forýmy» zańdy tulǵalar birlestigi, «Qazaqstannyń kásipker áıelderi odaǵy» qoǵamdyq birlestigi, «G-Global Halyqaralyq hatshylyǵy» qaýymdastyǵy» zańdy tulǵalar birlestigi, «Jasyl» ekonomıkany qoldaý jáne G-Global-dy damytý koalısııasy» zańdy tulǵalar birlestigi, «Qazaqstan tutynýshylarynyń ulttyq lıgasy» qoǵamdyq birlestigi, «Qazaqstannyń isker áıelderi qaýymdastyǵy» respýblıkalyq qoǵamdyq birlestigi, «Qazaqstan ardagerleri» Aýǵanstan soǵysy ardagerler uıymdarynyń qaýymdastyǵy, «Qazaqstan ýkraındarynyń radasy» qoǵamdyq birlestigi, «Jańarý» sybaılas jemqorlyqqa qarsy jalpyulttyq qozǵalysy» respýblıkalyq qoǵamdyq birlestigi, «Qazaqstannyń daǵdarys ortalyqtary odaǵy» zańdy tulǵalar birlestigi, «Qazaqstan múgedekteriniń konfederasııasy» respýblıkalyq qoǵamdyq birlestigi, Qazaqstan Respýblıkasy Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy, «Qazaqstan-2050» jalpyulttyq qozǵalysy, «Juldyz» balalar qoǵamdyq uıymdarynyń odaǵy» qoǵamdyq birlestigi, Demokratııalyq kúshterdiń «Qazaqstan-2050» Astana aımaqtyq koalısııasynyń músheleri.

2018 jylǵy 12 qańtar,
ASTANA