Parlament Senatynyń depýtaty Álı Bektaev Ońtústik Qazaqstan oblysyndaǵy jumys sapary barysynda ónerkásip jáne aýyl sharýashylyǵy kásiporyndarynyń, áleýmettik mekemelerdiń eńbek ujymdarymen kezdesti.
Senator Saryaǵash, Qazyǵurt, Sozaq, Báıdibek, Ordabasy, Tóle bı, Saıram jáne Túlkibas aýdandarynyń turǵyndarymen júzdesýlerde Parlamenttiń zań shyǵarý qyzmeti, aımaqtaǵy áleýmettik máselelerdi sheshýdiń keleshegi týraly áńgimeledi.
Kezdesýlerdegi áńgimeniń basty taqyryby Elbasy N.Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýyndaǵy 10 negizgi mindet týraly boldy. Á.Bektaev atap ótkendeı, Memleket basshysynyń bastamalary elimizdiń tehnologııalyq jáne ınfraqurylymdyq damýynyń jańa negizgi satysy bolýǵa tıis.
Baqtııar TAIJAN,
«Egemen Qazaqstan»
Ońtústik Qazaqstan oblysy
***
Parlament Senatynyń depýtattary Serik Bekturǵanov pen Jeńis Nurǵalıev Qostanaı oblysyna jumys saparlary barysynda A. Baıtursynov atyndaǵy Qostanaı memlekettik ýnıversıtetiniń professorlyq-oqytýshylar quramymen kezdesti.
Kezdesýde Memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynyń negizgi erejeleri talqylandy. Senat depýtattary ındýstrııalandyrýǵa, agroónerkásip keshenin damytýǵa, kólik-logıstıka ınfraqurylymyna, qurylys jáne kommýnaldyq salaǵa qazirgi zamanǵy tehnologııalardy engizýge qatysty saýaldarǵa jaýap berdi.
Sondaı-aq Joldaýdaǵy «Adamı kapıtal – jańǵyrý negizi» týraly mindet, atap aıtqanda, bilim berýdiń jańa sapasy, densaýlyq saqtaý, jumysqa tartýdyń erekshelikteri jáne áleýmettik qamtamasyz etýdiń ádiletti júıesi máseleleri egjeı-tegjeıli talqylandy.
Názıra JÁRIMBET,
«Egemen Qazaqstan»
QOSTANAI
***
Atyraý oblysynyń Mahambet aýdanynda Májilis depýtattary Baqytgúl Hamenova, Irına Ýnjakova, Baqytjan Ertaev «Atyraý orman jáne janýarlar dúnıesin qorǵaý jónindegi» memlekettik mekemesiniń eńbek ujymymen kezdesti.
Kezdesý barysynda depýtattar Memleket basshysynyń bıylǵy Joldaýy boıynsha túsindirme jumystaryn júrgizip, eńbek ujymy músheleriniń ózekti suraqtaryna jaýap berdi.
Sonymen qatar Májilis depýtattary sapar barysynda Mahambet aýdany Mahambet aýylynan Jaıyq ózeni arqyly ótetin kópirdiń qurylysymen tanysty. О́tkel respýblıkalyq mańyzy bar «Atyraý – Oral» tas joly men oblystyq mańyzdaǵy «Atyraý – Inder» joldaryn jalǵaıdy.
Baqtygúl BABASh,
«Egemen Qazaqstan»
Atyraý oblysy
***
Senat depýtattary Erbolat Muqaev pen Narıman Tóreǵalıev Batys Qazaqstan oblysyna jumys saparlary aıasynda Aqjaıyq aýdanynyń turǵyndarymen kezdesti.
Chapaev aýylyndaǵy aýdandyq aýrýhana qyzmetkerlerimen, muǵalimdermen jáne jastarmen áńgimeniń basty taqyryby Prezıdent N.Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» halyqqa Joldaýy boldy.
Senatorlar aýyl turǵyndaryna Joldaýdyń mazmunyn túsindirdi jáne qoıylǵan sa ýaldarǵa jaýap berdi. Halyq qalaýlylary elimizdiń táýelsizdik jyldarynda qol jetken tabystary men álemdegi eń damyǵan 30 eldiń qataryna kirý jónindegi atqarylǵan jumystarǵa, ındýstrııalandyrý jáne agroónerkásip keshenin damytý máselelerine toqtaldy.
Qazbek QUTTYMURATULY,
«Egemen Qazaqstan»
Batys Qazaqstan oblysy
***
Májilis depýtattary – «Nur Otan» partııasy fraksııasynyń músheleri Soltústik Qazaqstan oblysyna jumys sapary aıasynda Petropavl nan-toqash kombınatynyń jumysshy-qyzmetkerlerimen kezdesti.
Májilismender Sergeı Zvolskıı, Pavel Kazansev, Sergeı Sımonov, Murat Temirjanov jáne Petr Sharapaev kásiporynnyń jumysymen tanysyp, ujymmen el Prezıdenti N.Nazarbaevtyń Joldaýyn talqylady.
Kásiporyn basshysy Erlan Qaıshybekov Memleket basshysynyń jyl saıynǵy Joldaýynda qoıylǵan mindetter jumys barysynda basshylyqqa alynatynyn aıtty ári «Qazaqstanda jasalǵan» brendin qoldaý men óndiriste jańa tehnologııalardy qoldanýdyń mańyzdylyǵyn atap ótti.
О́z kezeginde Májilis depýtattary Memleket basshysy Joldaýynda, birinshi kezekte, ındýstrııany damytý, resýrstyq áleýetti ulǵaıtý, álemdik naryqta otandyq ónimdi tanytý máselelerine erekshe nazar aýdarǵanyn jetkizdi.
О́mir ESQALI,
«Egemen Qazaqstan»
Petropavl
