Elimizdiń túkpir-túkpirinde tereń talqylanǵan taqyryptyń tamyry tereńde jatyr. О́ıtkeni bul bastama bizdiń tarıhymyzben, bolmysymyzben úndes. Til mamandary men ǵalymdar kúsh biriktirip kórshiles elderdiń tájirıbesin eskere kele latyn qarpine kóshý máselesinde ýaqyt ozdyrmaı naqty iske kiristi. Ǵalamdyq damýdyń jańa dáýirinde latyn álipbıine kóshý ýaqyt talaby bolyp otyr. Aqparattyq-kommýnıkasııalyq quraldardy paıdalanýda, búkilálemdik trendter talabyna tolyq saı kelýde atalǵan sheshim taptyrmas qural bola alady. Búgingi tańda dúnıe júzindegi asa ózekti aqparattardyń 70-75 paıyzy latyn grafıkasymen beriledi. Álemdegi barlyq IT sala ózderiniń baǵdarlamalar bazasy men tehnıkalyq sheshimderin latyn tańbasynda jasaıdy.
Qazirgi jastardyń latynshaǵa áldeqashan baýyr basyp alǵanyn atap aıtqan jón, búgingi kúni Qazaqstan jastary gadjetterdi belsendi qoldanady, elimizdiń basym bóligi latyn álipbıin jaqsy meńgergen. Árıne, bastapqy kezeńde azdaǵan qıyndyqtar bolýy múmkin. Alaıda bul baǵyttyń ómirsheń ekenin ýaqyt dáleldeıdi. Búgingi kompıýter zamanynda, ınternet júıesinde ústemdik etetin latyn álipbıi ekendigi bárimizge aıan. Atalǵan tarıhı sheshim biz eńbek etetin medısına salasyn da aınalyp ótpeıdi. Halyqaralyq termınder, medısınaǵa qatysty mol maǵlumattardyń negizgi bóligi latyn tańbasymen tańbalanǵan. Sonymen qatar tilimizdegi jat dybystardy tańbalaıtyn áripterden arylyp, qazaq tiliniń tabıǵı taza qalpyn saqtaýda latyn álipbıine kóshýdiń orny aıryqsha. Eń bastysy, bul – qazaq tiliniń halyqaralyq dárejege shyǵýyna jol ashatyn altyn kópir. Sol sebepti Memleket basshysy tarapynan qabyldanǵan sheshimdi tarıhı sheshim dep qabyldaǵan abzal.
Sýnııat QUSYMJANOV,
«Akademık B. Jarbosynov atyndaǵy ýrologııa ǵylymı ortalyǵy» AQ professory
