Jańabaı Moldaǵalıev Oıyl aýdanynda turady. Birinshi top múgedegi ekenine qaramastan zaman aǵymynan qalmaı kásipkerlerdi qoldaý ortalyǵyna baryp, is bastaýdyń qyr-syrymen tanysqan ol mal terisin qabyldaý jáne satý bólimshesin ashqan.
«Bıznestiń basqa da túrlerin meńgergim keledi, alaıda múgedektigime baılanysty bankterden nesıe alý qıyn. Aýdan basshylyǵyna, jergilikti kásipkerler Palatasyna ótinish bildirip edim, kómekteskenderine rızamyn», deıdi J.Moldaǵalıev.
Aýdan ákimdigi kásipkerlerlermen birlesip Jańabaı Moldaǵalıevke prınter, noýtbýk, fotoapparat syıǵa tartty. Jańa jabdyqtarǵa qol jetkizgen kásipker aýyldastaryna kompıýterlik jáne fotoǵa túsirý qyzmetterin usynýdy oıǵa alyp otyr.
Memleket basshysynyń bıylǵy halyqqa Joldaýynda aıtylǵan áleýmettik jaýapkershilik pen qaıyrymdylyq mádenıetin damytýǵa baǵyttalǵan ıgi sharalardan aýyl halqynyń da tys qalmaǵany qýantady.
Baqytgúl BABASh,
«Egemen Qazaqstan»
