D.Tramptyń aıtýynsha, Qazaqstan men AQSh arasyndaǵy dıplomatııalyq, saýda-ekonomıkalyq qarym qarym-qatynas jańa sapaǵa ıe bolyp otyr. Aq úı basshysy Qazaqstandy óńirlik beıbitshilik pen qaýipsizdiktiń sheshýshi faktory retinde baǵalaıtynyn jetkizdi.
AQSh Prezıdenti D.Tramp N.Nazarbaevtyń Aq úıge resmı saparmen kelýin ózine abyroı sanaıtynyn jetkizdi.
«AQSh tarapy shırek ǵasyrdan beri Qazaqstandy Ortalyq Azııadaǵy táýelsiz, egemen, áleýetti strategııalyq áriptes retinde eseptep keledi. Biz Qazaqstannyń táýelsizdigin alǵashqylardyń biri bolyp moıyndaýymyzdy maqtanyshpen aıtamyz. Sodan beri kóp ýaqyt ótti. Alaıda bul merzim Qazaqstan men AQSh tarapy halyqaralyq beıbitshilik pen qaýipsizdikti qamtamasyz etý úshin tize qosyp jumys isteýinen uzaq emes. Qazaqstan ózderindegi ıadrolyq qarýdan bas tartý arqyly óz urpaǵy úshin qaýipsiz jáne beıbit bolashaq qalyptastyrdy», dedi D.Tramp.
Budan keıin Aq úı basshysy AQSh-tyń Qazaqstan ekonomıkasynyń eń iri ınvestory jáne negizgi saýda-sattyq áriptesteriniń biri ekenine toqtaldy. D.Tramp Qazaqstandy Ortalyq Azııa óńirindegi tabysty damýdyń modeli retinde tanıtynyn atap kórsetti.
Abaı ASANKELDIULY,
"Egemen Qazaqstan"
Arnaıy Vashıngtonnan
Sýretti túsirgen Baýyrjan JÝASBAI
