Sonyń ishinde agroónerkásip keshenin qarqyndy damytý múmkindigi týraly aıtýy zańdy. Muny Elbasy jyl saıynǵy Joldaýynda únemi jadynan shyǵarǵan emes. Nege? О́ıtkeni qazirgideı órkenıet kezeńi dáýirlep turǵan shaqta aýylsharýashylyq salasyn jańa tehnologııaǵa beıimdeý ýaqyt talabynan týyndap otyr. Eń birinshi, bes jyl ishinde eńbek ónimdiligin 2,5 esege ulǵaıtý qajettigin alǵa tartty. Sosyn óńdelgen ónimniń eksportyn ulǵaıtý máselesi de búgingi kúni basy ashyq másele. Bul – durys. Biraq, qaıtip kóterý kerek? Aıtalyq, jumysty sıfrly júıege aýystyrý qazir jer-jerde ishinara bolsa da birtindep qolǵa alynyp jatyr. Máselen, bizdiń «Qarqyn» JShS-nde muny bastadyq. Qystyń kúni taǵy nyǵaıta túsemiz. Iаǵnı bul jaǵynan qyrýar jumys istelip jatyr.
Ekinshiden, otandyq ónimderdi halyqaralyq naryqqa shyǵarýdyń strategııalyq jolyn tabý arqyly qolǵa alǵan sharýany alǵa bastyra berý qajettigi de beker emes. Bul rette ónimniń sapasyna basty nazar aýdarylýy tıis. Onsyz eksportty ulǵaıtý múmkin emes. Búginde elimizde kombaın, traktor sekildi aýylsharýashylyq tehnıkalary qurastyrylyp jatyr. Jergilikti taýar óndirýshiler ózimizden shyqqan tehnıkalardy alýy kerek. Sonda salyq ta, qarjy da shetel aspaı, óz ishimizde qalady. Onyń ústine, otandyq tehnıka satyp alǵan kásipkerlerge úkimet 25% sýbsıdııa tóleıdi. Bul – úlken járdem.
Jalpy, bul jolǵy Joldaýda da kóptegen másele kóterildi. Bul bir jaǵynan aýylda turatyn eńbekshi qaýymdy yntalandyra túsedi. Máselen, Elbasy byltyrǵymen salystyrǵanda áleýmettik salaǵa bólinetin qarjynyń 12 paıyzǵa óskenin aıtty. Jaǵymdy jańalyq! О́ıtkeni halyqtyń jartysy aýylda turady. Aýyl órkendese, sharýashylyq jumystary tejelmeıdi. Tek memleket aýyldarǵa aýyz sý qubyryn tartyp, jolyn jóndep berse sharýa biraz eńserilip qalar edi.
О́z basym Joldaýdan kóp nárse uqtym. Muny júzege asyrý kezek kúttirmes shara dep bilemin.
Saıran BUQANOV,
Qazaqstannyń Eńbek Eri
Qostanaı oblysy
