Suraý salý nátıjesi ne deıdi?

«Nur Otan» HDP Parlamentarızm ınstıtýty 11-13 qarasha kún­deri aralyǵynda telefon ar­qyly suraý ádisin qoldana oty­ryp, «Qazaqstan halqynyń áleý­mettik-saıası kóńil-kúıi» ta­qy­ry­bynda áleýmettanýshylyq zert­teý júrgizgen edi. Zertteý týraly jalpy aqparat týraly aıtsaq, zertteý barysynda res­pýblıka­nyń 10 qalasynda tura­tyn 18 jastan asqan 652 adam suraldy. Respondentterdi tań­daýda yqtı­maldy suryptaý ádisi qolda­nyldy. Senim ıntervaly 95%, naqtylyq deńgeıi ± 5% boldy. Endi zertteýdiń negizgi nátı­jelerine kelsek, qazirgi tańda eń kóp talqylanatyn taqyryptar­dyń biri Parlament Májilisin taratý týraly 53 depýtattyń óti­nishi bolyp ta­bylady. Tele­fondyq su­raý qory­tyndylaryna sáıkes, qazaqstan­dyq­tardyń 73,5%-y 53 depýtattyń Parlament Májilisin taratý jónindegi Prezıdentke aıt­qan ótinishi tý­raly estigen. Suraý barysynda respon­dentterdiń 26,5%-y depý­tat­tardyń osy bastamasymen tanys emes ekeni anyqtaldy. Suraýdyń nátıjelerine sáı­kes, azamattardyń basym bóligi (67,2%) Parlament Májilisin taratýdy qoldaıtyny belgili boldy. Depýtattardyń bastama­symen kelispegenderi 12,1%-dy quraıdy. Suralǵandardyń árbir 5-shisi jaýap berýge qınalatynyn aıtty. Respondentterdiń 42,5%-y Má­jilisti taratý depýtattardyń quramyn jańartý úshin kerek dep eseptese, olardyń 18,1%-y bul qadam kóppartııalyq Parlamentti qurý úshin kerektigin aıtqan. Suraýǵa qatysqandardyń 16­%-y­nyń pikirinshe, 2012 jyly saılaýǵa ýaqyt bólmeı, ekonomıkalyq daǵdaryspen kúresý kerek, sol sebepten depýtattardyń bastamasy tipti ýaqtyly bolyp tabylady. Azamattardyń 9,3%-ynyń oıyn­sha, Májilisti taratý qarqyndy ındýstrııalyq-ınnovasııalyq da­mýdyń memlekettik baǵdar­lama­syn tıimdi júzege asyrý úshin kerek. Parlament Májilisin tara­týdyń negizgi sebepterin ataý boıynsha jaýap berýge qınal­ǵandary 24%-dy quraıdy. Qazaqstandyqtar Májilistiń jańa quramynan ne kútetinimen de bólisti. Suraýǵa qatys­qan­dardyń kópshiligi depýtat­tardyń jańa quramynan áleýmet­tik má­selelerdi sheshýdi (21,4%), memlekettegi áleýmettik-saıası jaǵ­daıdy jaq­sar­týdy (15,6%), zeı­netaqy, ja­laqy men shákir­ta­qyny ósirýdi (15,0%), eko­no­mıkalyq ahýaldy jaqsartýdy (13,0%) kútedi. Sonymen qatar, depýtattar­dyń jańa quramynan qazaqstan­dyqtar turǵyn úı máselesin sheshý, jańa jumys oryndaryn ashý, densaýlyq saqtaý jáne bilim berý sapasyn jaqsartý men onyń qoljetimdiligin arttyrý, qaýip­sizdik máselesin sheshý, jemqor­lyqqa qarsy kúresý, mádenıetti damytý, beıbitshilik pen kelisimdi saqtaý boıynsha qyzmet atqarady dep kútedi. Osy suraqqa jaýap berýge qınalǵandardyń úlesi res­pondentterdiń 5,4%-yn quraıdy. Suraýdyń nátıjelerine sáı­kes, qazaqstandyqtardyń 77,8%-y Parlament Májilisiniń saıla­ýyna qatysady (olardyń ishinde 59,1%-y saılaýǵa naqty baratyn bolsa, 18,7%-y saılaýǵa barmaı­myn degennen góri baramyn degenim dury­syraq deıdi). Respon­dentterdiń 16,2%-y Parlament Májilisi saı­laýyna qatyspaı­tynyn aıtty (olar­dyń ishinde 7,8%-y naqty barmaıtynyn aıtsa, 8,4%-y ba­ramyn degennen góri barmaımyn degenim durysyraq deıdi). Jaýap berýge qınalǵandar sany 6%. «Nur Otan» HDP-ǵa saı­laýshylardyń 86%-y daýys berýge daıyn. Basqa partııalardyń eshqaısysy qazirgi kezde 7 %-dyq kedergiden ótýge daıyn emes. Qazaqstan Kommýnıstik halyqtyq partııasyna saılaýshylardyń 2,1%-y daýys berýge yqylasty. «Egemen-aqparat».