Mundaı asa jaýapty jumysty atqarý, estý jáne sóıleý qabileti nasharlaǵan janǵa sóıleý prosessorlary men onyń jınaqtaýshy buıymdarynyń qyzmet sapasyn arttyrary aıdan anyq. Bul óz kezeginde, kohlearly ımplantanttary bar múgedek balalardyń kúndelikti ómirinde jáne bilim alý úderisindegi taptyrmas mańyzdy másele bolyp otyr.
Eki kúnge sozylǵan sharada mamandarymyzdyń kómegine 20-dan astam muqtaj jandar júgingen. Aıta keterligi, estý apparattaryn baptaý úderisine tehnıkalyq turǵydan qyzmet kórsetýmen qatar, estý buzylysyn dıagnostıklaý jáne emdeý, tereńdetilgen aýdıologııalyq teskeris jasaý, keńes berý, estýdi protezdeýge jiberý, estý buzylystaryn saraptaý, estý qabileti zaqymdalǵan balalardy dıspanserlik esepke qoıý, sondaı-aq sýrdologııalyq kómek kórsetiletin mamandandyrylǵan kabınetterge jiberý qyzmetteri de kiredi.
Kohlearlyq ımplanttarǵa sóıleý prosessorlaryn baptaý jáne teńsheý jumystary memlekettik «Respýblıkalyq deńgeıde halyqty áleýmettik qorǵaý jáne kómek kórsetý, sondaı-aq áleýmettik qorǵaý júıesin jetildirý jáne ınfraqurylymdy damytý» bıýdjettik baǵdarlamasy boıynsha júrgizildi.
