Departament qyzmetkeri Alena Mıngazovanyń málimetinshe, qaıǵyly jaǵdaı búgin Astana ýaqytymen saǵat 10-30 shamasynda bolǵan.
«Yrǵyz aýdanynyń Qalybaı aýylyna jaqyn mańda avtobýstan órt shyqty. «Ikarýs» markaly avtobýs ishinen shyqqan órt saldarynan 52 jolaýshy kóz jumdy. Olardyń barlyǵy О́zbekstan azamaty. Oqıǵa ornyna órt sóndirýge arnalǵan 2 tehnıka men 8 adam jiberildi. Bul jer oblys ortalyǵynan 320 shaqyrym qashyqta ornalasqan. Apattyń shyǵý sebebine qatysty naqty málimet joq, anyqtalyp jatyr»,- deıdi ol.
Tiri qalǵan 3 qazaqstandyq, 2 ózbekstandyq azamat aýrýhanaǵa jetkizildi. Aqtóbe oblystyq TDJ men oblys ákiminiń orynbasary jedel shtab qurdy. Polısııa, qutqarýshy jasaq pen psıhologtar, dárigerlerden qurylǵan jedel jeli iske qosyldy.
Qaıtys bolǵandardyń denesin alyp ketý úshin О́zbekstan Tótenshe jaǵdaılar mınıstrligi arnaıy ushaq ázirlep jatyr. Sondaı-aq apattyń mán-jaıyn tekserý jáne zardap shekkender men qaza bolǵandardyń otbasyna jan-jaqty kómek kórsetý úshin arnaıy úkimettik vedomstvoaralyq komıssııa quryldy. Onyń quramynda Ishki ister mınıstriniń orynbasary Erlan Týrgýmbaev, densaýlyq saqtaý vıse-mınıstri Alekseı Soı, ınvestısııalar jáne damý vıse-mınıstri Roman Sklıar, Syrtqy ister mınıstrliginiń departament dırektory Ardaq Madıev, oblystyń quqyq qorǵaý jáne basqa da organdarynyń ókilderi bar.
