Álem • 18 Qańtar, 2018

Iranmen ıadrolyq mámileniń oryndalmaýy alańdatarlyq ahýalǵa aınalady - Sergeı Lavrov

280 ret

kórsetildi

1 mın

oqý úshin

Memleket basshysy Nursultan Nazarbaevtyń Tóraǵalyǵymen Birikken Ulttar Uıymy Qaýipsizdik Keńesiniń otyrysy bastaldy. BUU Qaýipsizdik Keńesiniń májilisi «Jappaı qyryp-joıatyn qarýdy taratpaý: sharalar men senim» degen taqyryppen ótip jatyr. Debatta qyryp-joıý qarýyn taratpaýdyń mańyzdy máseleleri qozǵalýda. Iranmen ıadrolyq mámileniń oryndalmaýy alańdatarlyq ahýalǵa aınalady, dep málimdedi jıynda málimdeme jasaǵan Reseı Syrtqy ister mınıstri Sergeı Lavrov.

Egemen Qazaqstan

Iranmen ıadrolyq mámileniń oryndalmaýy alańdatarlyq ahýalǵa aınalady - Sergeı Lavrov

- «Altylyq tobynyń» bir múshesi kinásinen Irannyń ıadrolyq baǵdarlamasy tóńiregindegi jaǵdaıdy retteý jónindegi Jan-jaqty qamtylǵan birlesken is-qımyldar josparynyń oryndalmaýy alańdaýshylyq týǵyzady, sonyń ishinde Koreıa halyqtyq-demokratııalyq respýblıkasy máselesin sheshýde. «5+1» tobynyń bir qatysýshysynyń kinásinen JQBIJ oryndalmaýy Koreıa jartytúbegindegi ıadrolyq máselelerdi retteý keleshegimen birge halyqaralyq qaýipsizdik arhıtektýrasy úshin alańdatarlyq ahýalǵa aınalady», - dedi Sergeı Lavrov BUU Qaýipsizdik Keńesiniń májilisinde.

Sonymen birge ol Iranmen ıadrolyq mámileni ornyqty damytý úshin Máskeýdiń kúsh biriktirýge shaqyratyndyǵyn ári Birikken Ulttar Uıymy Qaýipsizdik Keńesi Jan-jaqty qamtylǵan birlesken is-qımyldar josparynyń oryndalýyn óz jaýapkershiligine alatyndyǵyn atady.