«Ujymdyq is-qımyldan qýat alǵan álemdik qoǵamdastyqtyń senimi, erik-jigeri men aqyl-parasaty platenamyzdyń jahandyq apatqa ushyraýyna jol bermeıdi dep senemin. Keńestiń barlyq múshe-memleketterine berik yntymaqtastyǵy úshin rıshalyǵymdy bildiremin», dedi Elbasy.
Nursultan Nazarbaevtyń aıtýynsha, búgingi is-shara Qazaqstannyń BUU Qaýipsizdik Keńesindegi tóraǵalyǵy kezindegi negizgi shara. Sondaı-aq jıyn jahandyq kún tártibindegi eń ózekti taqyryptardyń birine arnalyp otyr. «Beıbitshilik pen qaýipsizdikke qol jetkizý jolyndaǵy senim sharalary shıelenistiń aldyn alý men mańyzdy jahandyq problemalardy sheshýde negizgi ról oınaıdy. Men BUU Bas Assambleıasynyń 47-sessııasynyń minberinen Azııadaǵy qaýipsizidk pen senim sharalary jónindegi óńirlik qurylym qurý jóninde usynys aıtqan bolatynmyn. Tynymsyz dıplomatııalyq jumystyń nátıjesinde bul mehanızm quryldy. Qazirgi tańda Azııadaǵy ózara yqpaltastyqtyń jáne senim sharalary keńesi óńirdegi 26 memleketti biriktirip, jemisti jumys isteýde. Shırek ǵasyrdan keıin BUU ǵımaratynda Qaýipsizdik Keńesiniń turaqty emes múshesi retindegi Qazaqstan atynan sóz sóılep turmyn. Biraq jekelegen elder arasynda da, jahandyq deńgeıde de ózara senimdi arttyrý máselesiniń áli de kúrdeli ekenin jáne onyń kúnnen-kúnge ózekti bola túskenin aıtýǵa májbúrmin», dedi Prezıdent.
