«Keıbir qatysýshylar tarapynan óz mindettemelerin júzege asyrýda týyndaǵan qıyndyqtarǵa qaramastan Is-qımyldy tolyqtaı qamtıtyn birlesken jospar odan ári tabysty iske asady dep senemin. Osyndaı konstrýktıvti tásildi Soltústik Koreıanyń ıadrolyq problemasyn retteýde de qoldanýǵa bolady dep oılaımyz», degen Nursultan Nazarbaev Koreıa túbegindegi qazirgi oqıǵalar tereń qarama-qaıshylyqtyń bar ekenin kórsetetindigin aıtty.
Osy rette Prezıdent Nursultan Nazarbaev múddeli taraptardyń Soltústik Koreıa máselesin neǵurlym jyldam ári konstrýktıvti jolmen sheshýge shaqyrdy.
«Senim ahýalyn qalyptastyrýdyń jáne Phenıanniń kelissóz ústeline oralýynyń mańyzdy sharty retinde «ıadrolyq bestiktiń» KHDR-diń qaýipsizdigine kepildik berýin jaqtaımyz. Múddeli taraptar qajet etken jaǵdaıda, Qazaqstan kelissóz alańyn usynýǵa daıyn», dedi N.Nazarbaev.
