Jańa dáýir talaby

Memleket basshysy atap ót­kendeı, bilim berý baǵdarlama­larynyń negizgi basymdyǵy óz­geris­terge únemi beıim bolý jáne jańa bilimdi meńgerý qabi­letin damytý bolýy tıis. 

Bul búgin asa mańyzdy másele, sebebi búkil álem Tórtinshi óner­kásiptik revolıýsııa dáýirine qadam basyp keledi. Qazirgi tańda ómirdiń barlyq salasyna jańa tehnologııalar engizilip, qol­da­nylýda. Bilim berý salasy da odan qalys qalmaýy kerek.

Jastardy jańa tehno­lo­gııalyq damý deńgeıine qazir­den bastap daıyndaǵan jón. Sol úshin 2019 jyly mektepke deıingi bilim berý isinde balalardyń erte damýy úshin óz betinshe oqý mashyǵy men áleý­mettik daǵdysyn damytatyn baǵdarlamalardyń biryńǵaı stan­darttary engiziletin bolady. 2021 jyly orta bilim berý salasynda jańartylǵan mazmunǵa kóshý aıaqtalady. Pedagogtardy oqytý jáne olardyń biliktiligin arttyrý joldary qaıta qaralmaq. Elimizdiń ýnıversıtetterindegi pedagogıkalyq kafedralar men fakýltetter damytylady, bilim berýdiń barlyq deńgeıinde matematıka jáne jaratylystaný ǵylymdaryn oqytý sapasy kú­sheı­tiledi; qala mektepterinde jan basyna qatysty qarjylan­dyrý engiziletin bolady, halyq­aralyq talaptar men sıfrly daǵdy­lardy eskere otyryp, tehnı­ka­lyq jáne kásiptik bilim berý baǵdar­lamalary jańar­tylatyn bolady.

Barlyq óńirlerdegi oqýshy­lar saraılarynyń bazasyndaǵy kompıýterlerdi, laboratorııa­lardy jáne 3D-prınterlerdi qosa alǵanda, barlyq qajetti ınfra­qurylymdary bar balalar teh­noparkteri men bıznes-ınkýba­torlarynyń jelisi qurylyp, sıfrly bilim berý resýrstaryn damytý, keń jolaqty Internetke qosý jáne mektepterdi beınequ­ryl­­ǵylarmen jabdyqtaý jumys­tary jalǵastyrylatyn bolady.

Munyń bári ýaqyt talaby, ja­ńa teh­nologııalar dáýiriniń talaby. Sondyqtan qarqyndy damyp jatqan álemde basqalar­dan qa­lyp qoımaý úshin, jahan­dyq ózge­ris­ter men syn-qater­ler­ge da­ıyn bolý úshin Elba­sy­­nyń Joldaýda aldymyzǵa qoı­ǵan mindetterin tolyqqandy iske asyrýǵa árbirimiz úlesimizdi qosaıyq.

Narıman TО́REǴALIEV,
Parlament Senatynyń depýtaty