- Sizderdi oblys halqy saılady. Saılaýshylar aýdandarynyń ál-aýqatyn jaqsartý baǵytynda belsendi jumys júrgizip, usynys aıtýlaryńyzdy kútedi. Prezıdenttiń tapsyrmalaryn, halyqty tolǵandyrǵan máselelerdiń sheshimin tabý úshin jumystaný kerek. О́kinishke qaraı, Jylyoı, Maqat aýdandary ákimderiniń jyldyq esep berý jıyndarynda bolǵanymda oblystyq, aýdandyq máslıhat depýtattarynyń jumystaryn kórmedim, - dedi oblys ákimi. - 27 oblystyq depýtattardyń 15-i aýdandardan saılanǵan, sonyń bireýi ǵana aýdanda turady, qalǵandary qalada. Saılaýshylaryn jylyna bir-eki ret qana kóredi. Halyqpen sóılespeseńizder, ortasynda bolmasańyzdar jaǵdaıdy qaıdan bilesizder? Eldiń jaǵdaıyn bilmeseńizder sheshim qabyldap,problemalardy sheshý boıynsha naqty sharalardy qalaı usynasyzdar?
Aımaq basshysy jergilikti atqarýshy organdar azamattardyń ómirlerin jaqsartýǵa baǵyttalǵan saıasatty júrgizip otyrǵanyn, osy rette depýtattyq korpýs kómek kórsetýi kerektigin atap ótti.
- Máslıhattardyń qyzmetine kún saıyn aralasa almaımyz, tys qalýǵa da quqymyz joq. 27 depýtattyń 25-i «Nur Otan» partııasynan usynylǵan. Partııanyń oblystyq fılıalynyń tóraǵasy retinde depýtattardyń jumystaryna, mindetterine degen qarym-qatynastaryna kóńilim tolmaıdy. Saılaýshylar da qanaǵattanbaıtynyna senimdimin, - dedi N.Noǵaev.
Oblys ákimi depýtattardy sol okrýgterde turatyn adamdardan tańdaýdy usyndy.
- Eldi mekenniń muń-muqtajyn biletin, saılaýshylarmen kún saıyn sóılesetin, bolyp jatqan ózgeristerge baǵa berip, máselelerdiń sheshilýine naqty ıdeıa bere alatyn adam depýtat bolýy kerek. Partııa alańynda depýtattardyń jumystaryn tyńdaýdy usynamyn. Alda bizdi úlken jumystar kútip tur. Memleket basshysynyń tapsyrmalaryn birge oryndaýymyz kerek. Búl jumystar nemquraıly bolmaýy tıis, - dedi Nurlan Noǵaev.
Oblystyq máslıhattyń kezekten tys sessııasynda depýtattar Ersaıyn Dúısemálıev pen Bórihan Berkimbaev ókilettilikterinen óz erikterimen bosatýǵa ótinish jasady. Atyraý oblystyq saılaý komıssııasynyń tóraǵasy Asaý Ibrashev depýtattar basqa oblystarǵa kóshýlerine baılanysty osyndaı sheshimge kelgenderin aıtty.
