Kelisim shartqa sáıkes Atameken Business Channel AHQO-nyń resmı aqparattyq seriktesi atandy. Kelisimniń jaramdylyq merzimi – uzartý múmkindigimen eki jyl. AHQO men Bloomberg arasyndaǵy yntymaqtastyq týraly alǵashqy ýaǵdalastyqqa QR premer-mınıstri Baqytjan Saǵyntaev AQSh-qa jumys saparymen barǵan kezde qol jetkizilgen bolatyn.
2017 jyldyń 12 sáýirinde QR premer-mınıstri Baqytjan Saǵyntaev AQSh-qa jumys saparymen barǵanda Nıý-Iorktiń eks-meri Rýdolf Djýlıanı jáne Maıkl Blýmbergpen kezdesken edi. Kelissóz barysynda telekommýnıkasııa ınfraqurylymyn damytý salasyndaǵy yntymaqtastyq, sondaı-aq «Astana» halyqaralyq qarjy ortalyǵyn (AHQO) damytýǵa qatysty máseleler talqylanǵan.
Kelissózdiń eń basty nátıjesi – Astanada Bloomberg-tiń telearnasyn jáne keńsesin ashý ýaǵdalastyǵyna qol jetkizý boldy. «Atameken Business Channel men Bloomberg-tiń yntymaqtastyǵy Qazaqstan bıznesmenderiniń ınvestısııalyq múmkindigi týraly aqparatty álem bıznesmenderine jetkizý, bizdiń elge qarajat tartý jáne jetekshi óńirlik qarjy ortalyǵynyń dárejesi degen ataqqa ıe bolý», – dedi AHQO basqarýshysy Qaırat Kelimbetov. Sodan keıin kelisimge Atameken Business Channel qosyldy.
«Birneshe mınýt buryn Nıý-Iorkte biz úshin óte mańyzdy úshjaqty kelisimshartqa qol qoıyldy. Bul jarty jyldan astam ýaqyt boıǵy kúrdeli kelissózderdiń jemisi. Bizdiń úlken komanda kelisimshartty alý úshin jumys jasady, al búgin sol jumystyń nátıjesin kórip otyrmyz. Barlyǵyńyzǵa úlken raqmet aıtqym keledi. «Astana» halyqaralyq qarjy ortalyǵy óziniń resmı aqparattyq seriktesi retinde Bloomberg-pen qatar ABCTV-ny tańdaǵany biz úshin qýanyshty jaǵdaı. AHQO-men seriktestik bizge Ortalyqtyń aqparatyn qazaq jáne orys tilinde taratýǵa quqyq beredi. Al Bloomberg-pen seriktestikke keletin bolsaq, onda onyń aıasynda bizdiń qyzmetkerler úzdik trenerlerden úırenip, Bloomberg-tiń Gonkong, Nıý-Iork, Londondaǵy keńselerinde taǵlymdamadan ótedi. Osy kelisimsharttyń aıasynda iskerı jýrnalıstıkanyń álemdik kóshbasshysymen jumys isteýge múmkindik aldyq. Bul jańa sapaly deńgeıge kóterilýge múmkindik beredi dep oılaımyz», – dep Atameken Business Channel-diń bas dırektory Iýlııa Sınchýk kelisimshartqa qol qoıý jaıyna toqtaldy.
16 qańtar kúni «Astana» halyqaralyq qarjy ortalyǵynyń baspasóz qyzmeti resmı túrde jumys isteı bastaǵany týraly habarlap, kompanııalardy tirkeý bastaldy dep málimdedi. AHQO janynan qarjylyq qyzmet kórsetýdi retteý jónindegi komıtet (AFSA) qyzmet qurylyp, jumys isteı bastady. AFSA qyzmet kórsetýdiń keń spektrin, ıaǵnı ınvestısııalardy jáne aktıvterdi basqarý, private banking, qorlardy ákimshildendirý men basqarý, katodıaldyq qyzmet, ıslamdyq qarjylandyrý isimen aınalysady sondaı-aq ókildik keńselerdiń jumysyn lısenzııalaıdy.
AHQO aıasynda alǵash ret postkeńestik keńistikte aǵylshyn kommersııalyq quqy jáne London, Nıý-Iork, Gonkong, Sıngapýr, Dýbaı sııaqty jetekshi qarjy ortalyqtarynyń standarttaryna negizdelgen óz quqy bar arnaıy zańdy quzyret engizildi. AHQO-nyń táýelsiz soty quryldy, ol kommersııalyq jáne azamattyq daýlardy qarastyrady. Sondaı-aq halyqaralyq tórelik sot quryldy. AHQO bazasynda joǵary tehnologııalyq bırja (AIX) jumys isteıdi. Onyń strategııalyq seriktesteri Shanhaı qor bırjasy jáne NASDAQ. Astanaǵa halyqaralyq sarapshylardy tartýdy jeńildetetin ekspat-ortalyq quryldy. AHQO bir tereze júıesin, vızalardy berý, tirkeýdiń jeńildetilgen rejımin, jumysqa turýǵa ruqsat jáne basqa da rásmderdi usynady.
AHQO-nyń negizgi strategııalyq damytý baǵyttary – kapıtal naryǵy, aktıvterdi basqarý, jeke tulǵalardyń ál-aýqatyn basqarý, ıslamdyq qarjylandyrý, qarjylyq tehnologııalar. Eske sala keteıik, 2015 jyly Qazaqstan prezıdenti Nursultan Nazarbaev AHQO qurý týraly konstıtýsııalyq zańǵa qol qoıdy. AHQO-nyń maqsaty halyqaralyq deńgeıdegi qarjylyq qyzmettiń jetekshi ortalyǵyn qalyptastyrý.
